Amigas, amics,
amb la rintrada de 2022, l'IEO 34 muda los catons cap a un site internet novèl e subrebèl. Blòg, Botiga en linha, letra de nòvas tot ligat sus un sol site... encara mai ric.
Vos convidam a nos seguir segur.
En picant sus los images, i tombaretz.
LO BLÒG https://ieo-erau.com/lo-blog/
LO SITE https://ieo-erau.com/
LA LETRA DE NÒVAS https://ieo-erau.com/las-letras-de-rau/
Marcatz-vos per la recebre cada setmana...
En picant sus lo lògo E,... rau !!! lo podètz telecargar.
Venètz nos rencontrar, a Escala a Seta, dau 12 au 18 d'abriu.
Au convit dau cèucle setòri, los cercles d'Erau, e, ...rau!!! fan escala a Seta dau 12 au 18 d'abriu, e per l'ocasion los Setòris, que fan pas jamai las causas a mitat, convidèron quauques batèus de vèlas...
… Dins lo fichièr informatic n°3 de la Clau2 que i aguèri donc accès sonque en Julhet de 2026, titolat 666 e sostitolat E avisa-te que soi pas Nostradamus, acompanhat a guisa de comentari per un tròç de l’Apocalipsi de Joan de Patmos (Aqueste qu’a d’intelligéncia, qu’interprète lo chifra de la bèstia, es lo moment d’aver de discerniment, car es una chifra d’òme e sa chifra es 666. 13.18), Martin porgissiá d’explicas detalhadas, a còps datadas, e tanben de tièras en fòrma de bilanç tragic de totas las catastròfas que nos esperavan, sus la planeta, dins las annadas venidoiras, principalament a partir de 2036.
Coma se i aguèsse personalament assistit, coma se s’èran ja produchas !
Pròsa - En occitan.
Obratge publicat mercé lo sosten de la
Region Occitania Pirenèus-Mediterranèa
e dau departament d’Erau.
ISBN 978-2-9576489-8-6 - Prètz: 13,00€ - 21cm x 15 cm, relié.
Bon de comanda de telecargar en picant sus la fòto çai jot:
Dins Fin’amors triptic ...e mai de Miquèla Stenta, lo raconte correspond en granda partida al títol, un pauc enigmatic, mas lo lector descobrís lèu, a dicha qu’avança dins las paginas, qu’aquesta dimension estetica e picturala es pas la sola, e benlèu pas la mai importanta. D’efièch, tota aquesta òbra corta e fòrta per son autenticitat tematica, es una longa vibracion musicala, un fremiment continú de voses, de sons, de silencis, d’ombras, de tempo mestrejat, d’armonias subtilas organizadas mercè una construccion en tres movements, coma un concèrto, sens oblidar lo scherzo final. Una istòria d’amor ? Òm pòt escriure de somas sul subjècte coma Belle du Seigneur d’Albert Cohen, o Ada de Nabokov, o escriure « tot simplament » aqueste triptic, cort, en fusion, d’un poder expressiu e d’una densitat impressionanta, deguts, de segur, a la frequentacion dels Trobadors e a lor exigéncia formala. Lo roman nos rend d’alhors lor preséncia quasi sensibla. Lo raconte realiza lo miracle (son de causas qu’arriban) de far coabitar dos monds diferents, d’èstres que se cèrcan, se tròban, se pèrdon, e… Lo miracle d’entrebescar dins la vida vidanta de tempses istorics e d’espacis diferents, d’espacis interiors tanben, e de far d’un viscut talament personal - pudicament personal- una experiéncia universala. La literatura occitana es al començament de la literatura occidentala modèrna, mila ans après, es encara viva e a pas oblidat sas originas. Lo florilègi final n’es la confirmacion. Florian Vernet, 24/10/21
Pròsa e poesia - En occitan.
retrach realizat per Stella Bagioni a partir d'una fòto (Total Festum Cendras, 2021)
Illustracion de cobèrta :
Placa d’esmalt, òbra dau mèstre esmaltaire Paul Bufòrn a Lemòtges,
d’après una placa a subjècte cortés decorant una arqueta,
esmalt dau talhièr de « la cort d’Aquitania », vèrs 1180.
Grafisme : Elodie Saulnier, IEO OPM 2022
Obratge publicat mercé lo sosten de la
Region Occitania Pirenèus-Mediterranèa
e dau departament d’Erau.
ISBN 978-2-9576489-8-6 - Prètz: 13,00€ - 21cm x 15 cm, relié.
Bon de comanda de telecargar en picant sus la fòto çai jot:
