LO BILHET DE
L’IVONA DEL CERCLE OCCITAN DE MÈSA
Per parlar de
quicòm mai que del coronavirus, qu’òm nos en met la tèsta coma una cogorda
aquesta passa, vos vau dire l’origina dels Sants de glaça : Sant Mamèrt,
Sant Pancrace e Sant Servais, aquel de pas confondre amb Gervais, amai que
siague de glaça atanben aquò. Será un biais per demorar dins
l’actualitat.
Dins lo calendièr,
figuran los 11, 12 e 13 de mai. Se i a pas d’explicacion scientifica, lo
fenomèm es plan real. Es estat observat tre l’Atge Mejan per los ortalièrs
que los associavan a la luna rossa.
Per faire coneissança amb aqueles sants pas tròp
catolics envèrs la metèo, direm que Sant Mamèrt foguèt l’archevesque de Vienne. Lo Sant Pancrace, nebot de
Sant Danís, martiri, es estat descapitat en 304 a l’atge de 14 ans,
pecaire ! E Sant Servais foguèt evesque de Tongres en Belgica. Es estat famós mercé sa batèsta envèrs la puretat de la fe. Moriguèt a Maastrich a 84 ans en 384. Aquela
vila l’i consagra encara uòi de celebracions.
La novèla bona es que la fin dels Sants de glaça
marca la fin de las geladas matinalas…en principi. Mas i a un autre Sant
que fòrça mond creson, es lo Sant Tomàs, aquel que crei que çò que
vei.
Mèsa, lo 12 de mai 2020.
Cap comentari:
Publica un comentari a l'entrada