L'aquagim

 L’UÒLH DEL BUÒU  

LA BILHETA DE L’IVONA DEL CERCLE OCCITAN DE MÈSA

Uèi, se ditz que per plan vielhir cal pas manjar tròp gras (es damatge, aquò es plan bon), beure encara mens, fumar pas, e subretot bolegar, e mai que las neurònas.

Per exemple, cal caminar al mens mièja-ora per jorn, nadar, far de bicicleta…e i a quicòm qu’es vengut a la mòda e qu'envasís totas las piscinas, es l’aquagim.

Coma se passa ? Una joinessa –òme o femna - plan linja, musclada e polida, mòstra sul bòrd de la piscina cossí far los movements, en comptant amb un grand enavant : e un, e dos, e tres…

Pòt arribar d’assistir a qualque scèna amusanta : l’autre jorn, d’un còp, desbarquèt d’un carri de mond de l'atge tresen. Anavan préner lor primièr cors d’aquagim. Aquò se vesiá coma lo nas al mitan de la figura. Èran excitats coma de nièiras, e cadun i anava de la sieuna. Avian pas doblidat la boneta e lo malhòt de banh, amb la jupeta per qualques femnas de còps.

E vaquí qu’un image se met en plaça dins ma tèsta, lo dels congèts pagats de 1936, tant la jòia èra la meteissa. Enfin çò que ne disi, es çò que me'n contèron los ancians, e atanben çò que ne dison las fotografias de negre e de blanc presas sus nòstras plajas en aquel moment, al temps que los òmes portavan de malhòts de banh a la « Rigoulo »*. Aquò èra plan corrècte.

Mas, tornant mai a nòstre subjècte, l’aquagim. La professora ne podiá pas pus de cridar per se faire entendre al mitan dels cacalasses e de las conversacions brusentas. Se’n sovendrà d’aquela sesilha, que de mai los participants èran fòrça nombroses e pas tròp concentrats.

Çò segur es qu’aquel grop sembla s’èstre plan regalat, e podriá  préner gost a l’aquagim e a son ambient convivial …e la professora pòt preparar las pastilhas Valdà !

            &&&&&

*Rigoulo èra un atlèta que levava d’altèras dins las annadas 1940/1950. Faguèt atanben de lucha.

Ivona BEAUME.

MÈSA lo 16 d’abril de 2021.

 

Aujourd'hui, on dit que pour bien vieillir il ne faut pas manger trop gras (c’est dommage, ceci est bien bon), boire encore moins, ne pas fumer, et surtout bouger, et pas que les neurones.

Par exemple, il faut marcher au moins une demi-heure par jour, nager, faire du vélo…et il y a quelque chose qui est devenu à la mode et qui envahit les piscines, c’est l’aquagym.

Comment cela se passe-t-il ? Une jeunesse – homme ou femme – bien mince, musclée et jolie, montre sur le rebord de la piscine comment faire les mouvements, en comptant énergiquement : et un, et deux, et trois…

Il peut arriver d’assister à quelque scène amusante : l’autre jour, tout d’un coup, il débarqua d’un car des gens du troisième âge. Ils allaient prendre leur premier cours d’aquagym. Cela se voyait comme le nez au milieu de la figure. Ils étaient excités comme des puces, et chacun y allait de la sienne. Ils n’avaient pas oublié le bonnet et le maillot de bain, avec la jupette pour quelques femmes parfois.

Et voilà qu’une image se met en place dans ma tête, celle des congés payés de 1936, tant la joie était la même. Enfin, ce que j’en dis, c’est ce que m’ont raconté les anciens, et aussi ce qu’en disent les photos en noir et blanc prises sur nos plages à ce moment-là, au temps où les hommes portaient des maillots de bain à la « Rigoulo »*. C’était bien correct.

Mais revenons à notre sujet, l’aquagym. La professeure n’en pouvait plus de crier pour se faire entendre au milieu des éclats de rire et des conversations bruyantes. Elle s’en souviendra de cette séance, car de surcroît les participants étaient très nombreux et pas trop concentrés.

Ce qui est sûr, c’est que ce groupe semble s’être bien régalé, et il pourrait prendre goût à l’aquagym e à son ambiance conviviale…et la professeure peut préparer les pastilles Valda !

              &&&&&

*Rigoulo était un athlète qui soulevait des altères dans les années 1940/1950. Il fit aussi de la lutte.

 

Yvonne BEAUME.

Mèze le 16 avril 2021.