"La
França que disètz e qu'un Prefècte nos mòstra,
Nos
reglarà jamai l'ora de nòstra mòstra."
Albèrt Arnavièlhe o Pessuga-minutas.
Aquò va pas agradar au poèta mas es antau, un còp de mai
la França de París nos ven cagar un relòtge e nòstre acamp tomba a
l'aiga :
L'AG de l'IEO34, prevista lo 28 de març a Cabrièiras es anullada ! 
Una AG serà organizada mai tard per los subrevivents, vos o direm quand i veirem mai clar.
Vos mercejam d'aver una pensada per lo Joan Pèire que se va manjar d'adòba medievala dusca a la sant Tostemps.
Consolamentum:
l'allocucion presidenciala d'En Albèrt Arnaud dins lo Miègjornau de la
Gisèla sus ràdio Lengadòc. Lo nòstre Albèrt èra pas encara au fial de
l'empacha sus l'AG, la Gisèla nos emmasquèt.
Los de Seta avián ja comandada la Cartagèna per téner una setmanassa. Quand la Cartagèna es tirada...
Qu'aquò
vos retenga pas de vos marcar a l'IEO au puslèu. (Vos arribèsse quicòm,
fariá sonque un pauc mens de moneda per los eiretièrs...) En document
estacat lo bulletin d'adesion.
Vos desiram una bona fin de vida, e vos disèm a lèu !
