L’UÒLH DEL BUÒU
LA BILHETA DE L’IVONA DEL
CERCLE OCCITAN DE MÈSA.
L’AIGA, LA VIDA.
Vaquí dos mots que son coma
croquet e malheta. Se l’aiga se tarís, l’autra, la vida es pas luènh de crebar.
Òm se pòt pas faire a l’idèa
de cò que son los continents ont
cal gastar l’aiga amb fòrça parcimonia. Sa manca fa ja de victimas per
millièrs, n’esparnhant pas en particulièr los dròlles que demandan pas qu’a viure.
D’autres còps, son de terriblas chavanas que balejan tot sur lors passatges. Aquí
l’aiga egala calamitat vertadièra, e cal d’annadas per se ne relevar.
Dins d’autras regions, et la
nòstra ne fa partida, un còp ne mancam d’aiga, un còp n’avèm tròp, amb los
fenomènes cevenòls, coma dison los scientifics. Pas granda pausa per los
secors, mai que mai los pompièrs – mai d’un còp volontaris, que pòdon passar
sens transicion dels incendis catastrofics d’estius ventoses, a las inondacions
pas mens dangierosas. Creire o non au rescaufament climatic, aquò relèva de la
consciéncia de cadun mas los faches son aquí.
Aqueste an, las temperaturas
arrèstan pas de montar, en aquel mes de mai. D’endreches, despassan los 34 e 35°
dans nòstre país.
La secada es ja en plaça, amb
son cortègi de malastres sus l’agricultura. E parlem pas d'ĺndia, ont lo
termomètre va finir per petar jos lo còp dels 50°.
Pasmens cal pas desesperar. I
a de païses, los que n’an los mejans financièrs e qu’an la mar a costat, que
construson d’usinas sofisticadas per tranformar l’aiga salada en aiga doça,
coma Un transformava l’aiga en vin. Se aquò es pas de magia ! Ailàs, tot
lo mond poirà pas beure la mar fins a la liga. Aquò costa tròp car.
Sens comptar qu’arrèsta pas
de montar jos l’efièch de la calor.
Alara se volèm gardar lo
plaser de sentir amb voluptat l’estrementida de l’aiga cauda d’una bona docha sus
sa pèl fresca, se volèm contunhar a asagar los jardins e autras culturas, a
faire la bugada, a refrescar las centralas nuclearas…la cal saupre estalviar
cada fes qu’es possible. Es pas totjorn facil que i a de prioritats. Se que non
de qu’anam metre dins lo pastís, de qué tròn ?
Mas seriosament, vòli préner
ma part de responsabilitat e, en demai dels gèstes quotidians que son a nòstra
portada, tè, me vau batre la colpa e metre a cantar en bon francès :
♫ Quand la mer monte,
j’ai honte, j’ai honte ….
Ivona BEAUME.
Mèsa, lo 17 de mai de 2022.
L’ŒIL DU BŒUF
LE BILLET D’YVONNE DU CERCLE
OCCITAN DE MEZE.
L’EAU, LA VIE.
Voici deux mots qui sont
comme crochet et maillette. Si l’eau se tarit, la vie n’est pas loin de mourir.
On ne peut pas se faire à
l’idée de ce que sont les continents où il faut utiliser l’eau avec une grande
parcimonie. Son manque fait déjà des victimes par milliers, n’épargnant pas en
particulier les enfants qui ne demandent qu’à vivre. Parfois, ce sont de
terribles ouragans qui balaient tout sur leur passage. Ici l’eau égale
véritable calamité, et il faut des années pour s’en relever.
Dans d’autres régions, et la
nôtre en fait parti, parfois on en manque, parfois nous en avons trop, avec les
phénomènes cévenols, comme disent les scientifiques. Pas grand repos pour les
secours, en particulier les pompiers – le plus souvent volontaires – qui
peuvent passer sans transition des incendies
catastrophiques d’étés venteux, aux inondations pas moins dangereuses.
Croire ou non au réchauffement climatique, cela relève de la conscience de
chacun mais les faits sont là.
Cette année, les températures
n’arrêtent pas de grimper, en ce mois de mai. Par endroits, elles dépassent les
34 et 35° dans notre pays.
La sécheresse est déjà en
place, avec son cortège de malheurs sur l’agriculture. Et ne parlons pas de
l’Inde, où le thermomètre va finir par exploser sous le coup des 50°.
Pourtant il ne faut pas
désespérer. Il y a des pays, ceux qui en ont les moyens financiers et qui ont
la mer a proximité, qui construisent des usines sophistiquées pour transformer
l’eau salée en douce, comme Un qui transformait l’eau en vin. Si ce n’est pas
de la magie ! Hélas, tout le monde ne pourra boire la mer jusqu’à la lie.
Cela coûte trop cher. Sans
compter qu’elle n’arrête pas de monter sous l’effet de la chaleur.
Alors, si nous voulons garder
le plaisir de sentir avec volupté le frisson de l’eau chaude d’une bonne douche
sur sa peau fraîche, si nous voulons continuer à arroser les jardins et autres
cultures, à faire la lessive, à rafraîchir les centrales nucléaires…il faut
savoir l’économiser chaque fois que c’est possible. Ce n’est pas toujours
facile car il y a des priorités. Sinon qu’allons-nous mettre dans le
pastis ?
Plus sérieusement, je veux
prendre ma part de responsabilité et, en plus des gestes quotidiens qui sont à
notre portée, tiens je vais me battre la coulpe et me mettre à chanter en bon
français :
♫ Quand la mer monte, j’ai
honte, j’ai honte…
Yvonne BEAUME.
Mèze, le 17 mai 2022.
