Quala es aquela vilòta d’Occitània ?
O descobriretz en completant aquesta grasilha de mots « trachats » o « sagelats » o « «flechats » se volètz.
Las definicions sus fond verd an un rappòrt amb la vila mistèri.
Los diccionaris de Laus e a còps d’Alibert vos poiràn ajudar…
1/ La mesa en linha essent mai que fosca, traparetz lo pdf en picant sus lo boton.
QUICHATZ
Quichatz sus lo boton çai jos, i tombaretz.
Salut calorós a totes. Quand auretz acabat de sarrar la lenha, ara plan caudets, la rièja vos espèra
Negras
A6, D4, E5
Solucion de la setmana passada
Glicina - Ranetas - Aiga.Ut - Ire. Uca - Sanitat - Nisats.
Grais - Lairan - Ingeni - CEA. Is - It. Uta - Naucat -Astats.
Se sètz pas tròp engrepesits, podètz escriure e comolar los blanc de la rièja amb de roge qu'es mai caud que lo blau.
Aquesta dimenjada s’acaba la Setmana das Lengas Regionalas de France-3. Es un eveniment bèl e una primièra per nòstras lengas istoricas e autoctònas. De segur, d’unes faràn la bèba en repotegant que, creada en 1972, la cadena das regions lambinèt bravament per s’avisar d’aquesta riquesa e i dedicar un eveniment nacionau. De segur aquò’s vertat, mas coma se ditz, tant val tard que pas jamai. Alara òsca d’aver una programacion publicitada e, enfin grands dieus, la valorizacion daus magronèls programas en lenga nòstra. Seriá plan de n’aprofiechar per los botar a d’oras un pauc melhoras. Pensatz que lo nòstre « Viure al país » lo difusan lo dimenge de matin a 10h50 e dempuèi gaire lo dimècres a 10 oras ! Aquesta Setmana es tanben un signe, lo d’una evolucion ara plan neta de l’opinion per aquel sicut. D’aquestas emissions citam per nautres lo documentari de Marc Khanne « Occitan Gardarem la Lenga » qu’es plasent e se vei coma un filme. Tot aquò se pòt tornarmai veire mercés a l’internet. Demest tot çò prepausat, una charadissa titolada « Un avenir possible per las lengas regionalas ? ». La responsa es la meteissa que per l’avenidor de l’aucelilha, de la diversitat biologica e dau clima. De segur, se contunham coma aquò miladieus i aurà ges d’avenir e, per la Tèrra, un futur sens nautres.
Traduction à retrouver sur Midilibre.fr
Sortir, escotar, gaitar, veire, legir…
Las associacions ensajan de tornar prene lo fial del temps e dels rescontres. Lo distancial o lo morre suls escrans pichons e grands, aquò va plan un temps ! Aprèp la virada capitada de Salvatges e lo debanament a voses multiplas de la Setmana de la Paraula, l'IEO-Aude se trapa a pè d'òbra sus dos autres moments fòrts de mesa en abans de la lenga e de la cultura d'Òc. Aquí unas datas que vos cal pas mancar de notar e de faire virar. Reservatz vòstras seradas e vòstras fins de vèspre !
• Quinzenada Trasmetre a Limós : Per
una lenga e una cultura, la trasmission de generacion en generacion es
una necessitat per la perennitat. Las lengas minorizadas patisson de
trencaduras subidas e impausadas. La soscadissa sus aquelas questions es
al còr de la quinzenada que se tendrà a Limós fins al 4 de decembre. Se parlarà del ròtle del conte ; per la lectura, se celebrarà las lengas e se respondrà a la question : Perqué m'an pas dit a l'escòla ? (dijòus 25, en serada). Dos films-documentaris de Patric La Vau passaràn lo divendres 26 de ser al cinèma : Lenga d'amor e L'escòla en occitan. Un jornalista del Monde Diplomatique alargarà
la question amb una conferéncia sus la biodiversitat linguistica en
dangièr sus la planeta (divendres 3/12, en serada). Mercé a l'ATP, una representacion de la pèça Trans(e)-Maître(s)
• Bodon-101 ans : Lo grand escrivan occitan Joan Bodon nasquèt lo 11 de decembre de 1920 a Crespinh (Avairon). A Carcassona, la commemoracion del centenari de sa naissença se remandèt d'un an. Se dobrirà a la Mediatèca Grain d'Sel aqueste dijòus 25 (18h) amb una presentacion de sa vida e de son òbra. L'Ostal Sirventés aculhirà una mòstra del plastician Didièr Mir consacrada als Contes del Drac (estrena : diluns 29, a 18h30 ; rescontre amb l'artista, l'endeman a 18h30) e una conferéncia sus la plaça de l'Istòria dins l'òbra de Bodon (diluns 6/12, a 18h30). Una sesilha de contes serà proposada al jove public, lo dimècres 1èr de matin (10h, Grain d'Aile). Classas poiràn vistalhar la mòstra o reçaupre un contaire. Per un final en beutat, lo divendres 10 de decembre, a la Fabrica de las Arts (18h30), lo Mans de Breish cantarà los poèmas de Bodon de Jorn de fièra en Ser de fièra, Sus La Talvera per celebrar Los Carbonièrs de la Sala, semenarà l'Èrba d'agram e, contra-subèrna, pensar : « Sabi qu'aquel jorn vendrà : l'Alba d'Occitania ». Una trufada clavarà la quinzenada (25 € ; se marcar : ieo11@ieo-oc.org).
Tornats a l'ostal, reprendretz o descobriretz aqueles libres pivelants e importants : La grava sul camin, La santa-Estèla del centenari, Lo libre dels Grands Jorns, Lo libre de Catòia, La quimèra e vos demandaretz quala seriá estada la fin de Las domaisèlas…
Pè-levat Roch
Un conte filosòfic : Lo vièlh savi e lo filh lordàs
« 1000 ans », Cd novel de Joanda
Mescladís, de Bobí lo Contejaire. (Robèrt Pastor) Cada dijòus dins Midi Libre, Pays coeur d'Hérault, edicion de Lodèva.
Un còp èra una familha qu'aviá un filh lord, lord emai se pòt dire lordàs. Lo paure voliá pas sortir de l'ostal !
Mas un jorn lo paire diguèt : « Deman,vendràs amb ieu al mercat » L'endeman, lo paire, sus l'esquina de l'ase e lo filh d'a pè se'n anèron cap al mercat. Lo mond criticava : « vesètz, aquò's pas normal, lo paire sus l'ase e lo filh lordàs d'a pè ! »
L'endeman es lo contrarí, lo filh lordàs es sus l'ase, lo paire d'a pè. « Aquel jove a gaire d'educacion, faire caminar lo seu paire ! » diguèron los vilatgeses.
Un autre còp, lo paire e lo filh lordàs tiran l'ase amb una còrda . « Los ases son per èsser montats ! » cridèt un òme que passava sus lo camin.
Un autre jorn, tornèron al mercat, totis dos assetats sus l'ase. « An pas pietat de l'ase ! » diguèron los de la S.P.A. !
L'endeman portèron l'ase sus las espatlas . « Portar un ase, aquò's mai fòrt que lo Ròcafòrt , lo cal montar ! » diguèron totis los repotegaires del vilatge.
Alavetz lo paire diguèt al sieu filh.
«Mon filh, as plan ausit, que fagas una causa o una autra dins la vida seràs totjorn criticat.
Te cal pas escotar tot aquò, fai çò que t'agrada e camina, camina....
E cric e crac mon conte es acabat.
« 1000 ans » es lo títol de l'album novèl de Joanda. 13 cançons en Occitan e en Francés. « 1000 ans de lenga,de cultura, de poesias, d'art, de trobar, de cants, de danças, de secrets, de sasons, de pèiras, de tèrra, de vent de fuòc, de mars e de rius, d'enfants, de femnas, d'òmes, d'avenir, de decisions, d'onor, de sens e saber, de lutz, d'un país que se sona Occitania »
De cançons de Joanda e tanben d'arrengaments de cançons tradicionalas coma « Per passar lo Ròse », e una version del « Se canta ».
En concèrt lo 18 de decembre - 20oras30- a Besièrs « Scène de Bayssan »
Contacts : www.joanda.fr
Quichatz sus l'image, i tombaretz:
Al còp que ven, e tenetz vos fièrs !
