Partiguèt
subtament, dissabte, lo paure nòstre Bernat Vivancòs, president dau
cercle dau Clapàs e sòci dau CA de l'IEO34, e nos daissa còrdolents e
macats, esperduts.
La
ceremonia d'adieussiatz se farà deman dimècres a 10 oras a la glèisa
de Peret (34) seguida en debuta d'après miègjorn de l'incineracion au
Puèch Blau de Besièrs.
Presentam nòstras condoleanças a sa familha e a sos autres amics, nombroses.
Per far complancha, quauques vèrses d'un autre Clapassièr de còr, lo Rogièr Fabre:
Crematz-me, escampilhatz mon còs al vent
Del caireforc dels quatre vents
O dins la virada de Tiravent
O d'ont voldretz, baste que siague al vent.
Aital se de matin fai vent
Quand durbiretz los contravents,
S'una posca dins l'uèlh vos ven,
Pensaretz qu'aquò's ieu arribent,
Portat sus l'ala del vent.
E un prètzfach grandaràs, d'esperlongar.
Rogièr Fabre, A tròces e bocins, IEO Lengadòc, 2010.
Fòto Joan Pèire Rouveyrollis, AG de 2021
Cap comentari:
Publica un comentari a l'entrada