dilluns, 26 d’abril de 2021

Per sorire o per plorar ?

 Lo sorire de la setmana amb l'IEO d'Erau. 

                                                    E,... rau !!!


 

Lo Tòca la Bomba

Ponch de lenga: A Seta un Tòca la bomba es quauqu'un qu'es pas tròp fin.
Lo darrièr arribat quand dintra dins la clica (fanfara) se vei prepausar la bomba (la gròssa caissa) qu'es çò mai aisit per començar.
Los mai esperdigalhats an lèu fach de passar a quicòm mai. Per contra quand n'i a un qu'es un pauc a la ramassa, tòca la bomba sa vida tota.
 
Tè, ne trapère un d'aqueles sus l'internet, anatz veire un pauc.
 
 

 

Cuols nuses

 La guinhada de l'IEO 34 ! 

sus RÀDIO LENGADÒC, d'escotar sens cap de moderacion. (Picatz sus l'imatge, i tombaretz)

Diga ! L’omo modernicús te dintrèt dins lo sègle auturós e plen de cròia, abotiment ultime de l’evolucion que se vesiá, mercé son saupre tecnologic, subre totas las leis naturalas. Que non pas. Basta qu’un chinés se mange una adòba de pangolin fa dos ans per que lo mond tot n’aja encara uòi lo regolitge, a tòca-dents ; qu’un pòrta-conteneires fague tap -tap pas tarat taparà- per que l’economia mondiala siaga a las espèrras e constatam que sèm totes en galèra dins lo meteis negafòls.  

Mas i a causòtas risolièiras. Figuratz-vos que la marrana e l’acomolòfi grandaràs de batelasses son l’encausa d’una manca de nans decoratius que los angleses s’aiman de metre sus sa pelena, o quand l’istòria s’entitola : lo gigant dels pès de pasta sinhòla e lo nanet de jardin. Aguèsse ieu un amic barbut e corta-camba que li conselhariái d’anar trabalhar dins la perfida Albion…

Vòls que te diga ?  Podètz anar córrer verificar, n’i agèsse encara de nanets a la jardinariá dau canton que fariatz un pache bèl. E ges de laguis, son dobèrtas las jardinariás que son comercis essencials. Es pas coma los mercands de vestits de dejós que venon, per poder tornar trabalhar, de lançar la crida : de culòtas a Matinhon e cadun de mandar au Joanòt un parelh de braietas. Serà vestida per l’ivèrn sa polida !  D’efièch, lo govèrn decidiguèt qu’eslips, fardas de dejós e pelhòtas de dentèlas èran pas indispensables a la nòstra vida vidanta. Perdona-me Gisèla, mas me demande se son pas espaurugats per lo variant bresilian ?

Bon ai pas ges de conselh de vos donar mas dau biais que vira canturla lo mond es lo moment d’investir e de copar la denieiròla. Qu’una sarda se cunhe dins l’estrechura d’Ormuz e anaretz en bicicleta ; que los chineses -mai eles !- obtengan lo drech de grèva, es lo tafanari a l’èr que seretz.

 

Enfin es çò que ne dise ieu !

 

La guinhada de l’IEO34. E, rau !

 

LO BLÒB o PHYSARUM POLICEPHALUM

 L’UÒLH DEL BUÒU.

LA BILHETA DE L’IVONA DEL CERCLE OCCITAN DE MÈSA.

Lo 3 de novembre de 2019 escriguèri l’article que seguís sus l’intrigant BLÒB. Eri luònh de pensar qu’una annada et mièja après, lo blòb s’enanariá barrutlar dins l’espaci !

Nòstre astronauta Thomas PESQUET, uèi en rota per l'Estacion Espaciala Internacionala, a mes dins sos bagatges 4 blòbs per estudiar en particular lor compòrtament en apesantor dins l’espaci. Sus la nòstra Tèrra, de scientifics e atanben d’enfants de 2000 escֳòlas faràn las meteissas experiéncias sus d’autres blòbs.

Anam seguir aquela istòria que s’anoncia apassionanta, quand sabèm que lo blòb es sospechat de se sarrar de la vida eternala...

LO BLÒB o PHYSARUM POLICEPHALUM

Qu’es aquò ? O coneissètz ? pas ieu.

 De qualques recèrcas, avèm conclús qu’es pas un animal, pasmens se noirís tot sol. Amai qu’a lo bèc fin : son plat preferit sont los campairòls, e en laboratòri o a l’ostal – òc avètz plan entendut, a l’ostal - es gromandàs de borrilhs de civada. Ges d’uòlhs, ges de boca, ges de pansa ; antau agantarà pas una estomagada…

Es pas una planta, per de qué pòt barrutlar ; es verai que va encara mai doçamanet que la tartuga de la faula de Joan de la Fontaine : 4 cm de l’ora !

A pas ges de cervèl, mas quand dos blòbs son reünits escambian lor saber. Un còp mai desseparats e après de nòvas estudis de lors facultats respectivas, los cercaires constatèron  d’escambis de donadas.

Ara me ne demandetz pas mai ; es tròp complicat per la meuna cervèla. Per s‘enganar pas òm pòt dire qu’es un daquòs unicellulari que pòt mesurar fins a dètz metres al carrat e que trepa la nòstra planèta dempuèi 500 a un milion d’annadas a quicòm pròche.

Lo blòb es pas polit, pecaire ! jaunás, vescós, a res per plaire, mas es pas maissant.

Per acabar, òm lo ditz quasi immortal quand entra en dormança, de fes qu’i a, pendent  mantunas annadas, talament que los saberuts, qu’aiman metre lor nas de pertot, pensèron a estudiar sas particularitats, saique per trapar lo Graal de la vida eternala ?

Se ne volètz saupre mai, lo melhor es d’anar sus l’Internet escotar una conferéncia. Picatz sus l'image, i tombaretz. Conférence d’Audrey Dussutour sur le blòb. Ne seretz pas decebuts !

Mas per de qué ne parlam uòi ? Per çòqu'es visible en aquel moment al zòo de Vincennes. I podètz córrer, que s'esperam que venguèsse fins a nosautres, a rason de 4 cm de l’ora es pas rendut, e segurament que serem mòrts abans qu’arribèsse, e subretot abans que los saberuts ajan trapat lo famós e insasible Graal de la vida eternala, aquela quimèra ! »

Ivona BEAUME.

Mèsa lo 24 d'abril de 2021.

 

Le 3 novembre 2019 j’avais écrit l’article qui suit sur l’intrigant BLOB. J’étais loin de penser qu’un an et demi plus tard, le blob irait se promener dans l’espace !

Notre astronaute, Thomas PESQUET, aujourd’hui même en route pour la Station Spaciale Internationale, a mis dans ses bagages 4 blobs pour étudier en particulier leur comportement en apesanteur dans l’espace. Sur notre Terre, des scientifiques et aussi des enfants de 2000 écoles feront les mêmes expériences sur d’autres blobs.

 Nous allons suivre cette histoire qui s’annonce passionnante, quand nous savons que le blob est soupçonné de friser la vie éternelle…

« LE BLOB ou PHYSARUM POLICEPHALUM

Qu’est-ce que c’est ? vous le connaissez ? pas moi.

D’après quelques recherches nous  avons conclu que ce n’est pas un animal, cependant il se nourrit tout seul, et même il a le bec fin : son plat préféré, ce sont les champignons, et en laboratoire ou à la maison – oui vous avez bien entendu, à la maison – il est très gourmand des flocons d’avoine. Il n’a pas d’yeux, pas de bouche, pas d’estomac ; au moins il n’attrapera pas un ulcère…

Ce n’est pas une plante, car il peut se déplacer ; il est vrai qu’il va encore plus lentement que la tortue de la fable de Jean de La Fontaine : 4 cm à l’heure !

Il n’a pas de cerveau, mais quand deux blobs sont réunis, ils peuvent échanger leur savoir. Une fois séparés à nouveau et après de nouvelles études de leurs facultés respectives, les chercheurs constatèrent des échanges de données.

Maintenant ne m’en demandez pas plus. C’est trop compliqué pour mon cerveau à moi. Pour ne pas se tromper, on peut juste dire que c’est quelque chose d’unicellulaire qui peut mesurer jusqu’à 10 m2 maximum et qui fréquente notre planète depuis 500 à un million d’années à quelque chose près.

Le blòb n’est pas beau, le pauvre ! jaunâtre, visqueux, il n’a rien pour plaire, mais il n’est pas méchant.

Pour finir, on le dit quasiment immortel quand il entre en dormance, parfois pendant plusieurs années, au point que les chercheurs, qui aiment fourrer leur nez partout, ont pensé à étudier ses particularités, peut-être en vue de trouver le Graal de la vie éternelle ?

Si vous souhaitez en savoir davantage, le mieux est d’aller sur Internet écouter une conférence. Taper « conférence d’Audrey Dussutour sur le blob ». (en cliquant sus l'image un peu plus haut, vous y arriverez) Vous ne serez pas déçus !

Mais pourquoi en parlons-nous aujourd’hui ? parce qu’il est visible en ce moment au zoo de Vincennes. Vous pouvez y courir, car si l’on attend  qu’il vienne jusqu’à nous, à raison de 4 cm à l’heure, il n’est pas rendu, et sans doute serons-nous morts avant qu’il n’arrive, et surtout avant que les savants aient trouvé le fameux et insaisissable Graal de la vie éternelle, cette chimère ! »

 

Yvonne BEAUME.

Mèze, le 24 avril 2021.

 

La rièja del Jaumet N°75

 

I sèm pas encara, se'n manca.

Orizontalas 
1) Demòra dins canton d'Occitània rocalhut. 
2) Campairòl 
3) Trantalhava. 
4) Contemple. Musclau. 
5) Acotirà. 
6) Amb un Pese es una vilòta d'Erau.
 
Verticalas 
A) Brutlan. 
B) Lo gos lo fa amb un òs. 
C) Marcas. 
D) Mèstre d'ostal famós. 
E) Sigla per una escòla. 
F) Tombarà de borilhs blancs. 
G) Cridan. Animal domèrgue.
 

Negras

     D6, E4

 

 Solucion de la setmana passada.

 Armelas - Saupeta - Istoric - Mi(gala). Casi - Empassa - Nais. Ir

 Asimen - Rasima -.Mut. Pi - Epòcas - Leras -Encanissi - Saciar.

 

Benlèu que la setmana que ven nos banharem sens tremolar de freg. Se lo solelh vòl.

Los mai legits