L’UÒLH DEL
BUÒU
LA
BILHETA
DE L’IVONA DEL CERCLE
OCCITAN DE MÈSA
NOVEMBRE de 2005.*
“I a la vida del cada jorn, amb son cortègi de bonas e de marridas causas,
amb sas obligacions, trabalh, familha, amb sos laguis de santat, d’argent, mai
d’un còp de caumatge.
I a la vida amb sas calamitats, guèrras, inondacions, tèrratremols, auragans
e lors terriblas consequéncias ; la vaca bauja de trista memòria, e ara la
gripa dels aucèls, que fa tant paur a n’escotar los especialistas e los mèdias.
Puèi, i a la vida vertadièra, brieus de vida que se tastan amb golardum :
un gavian que travèrsa lo cèl dins un vòl planat blos; una musiqueta captada a
l’asard d’una ràdio, e que vos romplís lo còr e lo còrs ; la fin d’un bon roman
qu’a permés de s’evasir un moment del quotidian.
I a l’enfant que lisa sa maneta dins la vòstra, amb dins lo regard, tota la
fisança que vos fa a vos, l’adulte protector ; la memòria d’un ancian que n’a
talament vist dins sa vida, que vòl pas partir sens aver passat la man, sens
aver tot dich de çò que cal saupre ; la delicadesa d’un bon plat cosinat amb tot
l’amor d’una maire.
I a lo mescladís de las odors de la garriga quand ven la prima ; l’agach
qu’òm pòrta sus un solelh lassat de lusir dempuèi lo matin e que, nos faussant
companhiá, se'n va enfin pausar dins lo fuòc d’artifici de sos darrièrs rais,
mirats dins l’aiga de nòstre bèl estanh.
E i a encara tant e tant de causas bèlas de viure, de veire, d’entendre, de
sentir e ressentir, que vertadièrament, e sens l’ombra d’un regrèt, per un sol d’aqueles instants, la vida vau la
pena d’èstre viscuda.”
*Extrach del recuèlh Atmèlas doças, Atmèlas amargantas.
§§§§§§§§§§
GENIÈR de 2021.
E abandonariam tot aquò per aquel mòstre que nos rosiga la tèsta dempuèi
una annada ?
Aquel pòt totjorn jogar a niquet niquet en mudant per se mai trufar, lo
“tipe” coneis pas lo bòsc que ne sèm faches. N’avèm matat d’autres e aquel farà pas excepcion. Un
grand espèr s’es levat amb la descobèrta de vaccins, qu’òm met ara en òbra,
un pauc tròp doçamanet dins nòstre país, es verai, mas avançam. Una armada
d’òmes e de femnas “en blanc”, seringa en mans, espèra de pè ferme aquel virus,
que se crei mas enganiu que nosautres. Rirà ben lo que rirà lo darrièr.
Coma o fa lo Dieu roman JANUS als dos visatges, (qu’a bailat son nom a
Genièr) anam barrar la pòrta de la maudicha annada 2020, per aculhir 2021,
esperant trapar enfin la patz.
E se per sacrificar al rite del passatge d’una annada a l’autra, avètz fach
rimar JANUS amb BACUS*, qu’aquò vos apòrta tot lo bonaür que, amb tota la còla
del Cercle occitan de Mèsa, vos desiri. Santat !
*Amb moderacion ?
BRINS DE VIE. NOVEMBRE 2005.*
« Il y a la vie de chaque
jour, avec son cortège de bonnes et de mauvaises choses, avec ses obligations,
travail, famille, avec ses soucis de santé, d’argent, plus d’une fois de chômage.
Il y a la vie, avec ses
calamités, guerres, inondations,
tremblements de terre, ouragans et leur terribles conséquences ; la vache
folle de triste mémoire, et maintenant la grippe aviaire, qui fait si peur à en
écouter les spécialistes et les médias.
Puis, il y a la vraie vie,
instants de vie qui se dégustent avec gourmandise : une mouette qui
traverse le ciel dans un pur envol ; une musiquette captée au hasard d’une
radio, et qui vous remplir le cœur et le corps ; la fin d’un bon roman qui
a permis de s’évader un moment du quotidien.
Il y a l’enfant qui glisse sa
menotte dans la vôtre, avec dans le regard, toute la confiance qu’il vous fait,
à vous l’adulte protecteur ; la mémoire d’un ancien qui en a tellement vu
dans sa vie, qu’il ne veut pas partir sans avoir passé le relais, sans avoir
dit tout ce qu’il faut savoir ; la délicatesse d’un bon plat cuisiné avec
tout l’amour d’une mère.
Il y a le mélange des odeurs
de la garrigue quand vient le printemps ; le regard que l’on porte sur un
soleil qui lassé de briller depuis le matin, s’en va enfin se reposer dans le
feu d’artifice de ses derniers rayons, mirés dans l’eau de notre bel étang.
Et il y a encore tant et tant
de belles choses à vivre, à voir, à entendre, à sentir et ressentir, que
vraiment, sans l’ombre d’un regret et pour un seul de ces instants, la vie vaut
la peine d’être vécue. »
*Extrait du recueil Amandes douces, Amandes amères.
§§§§§§§§§§
JANVIER 2021.
Et nous abandonnerions tout
cela pour ce monstre qui nous ronge la tête depuis une année ?
Celui-là peut toujours jouer
à cache-cache en mutant pour nous tromper, le « type » ne connaît pas
le bois. Nous en avons maté d’autres, et celui-ci ne fera pas exception. Un
grand espoir s’est levé avec la découverte de vaccins, qu’on met maintenant en œuvre, un peu trop lentement dans notre
pays, c’est vrai, mais on avance. Une armée d’hommes et de femmes « en
blanc », seringue en mains, attend de pied ferme ce virus, qui se croit plus
rusé que nous. Rira bien qui rira le dernier.
Comme le ferait le Dieu
romain JANUS aux deux visages (dont Janvier a tiré son nom), nous allons fermer
la porte de la maudite année 2020, pour accueillir 2021, en espérant trouver la
paix.
Et si pour sacrifier au rite
du passage d’une année à l’autre, vous avez fait rimer JANUS avec BACCHUS*, que
cela vous apporte tout le bonheur,
qu’avec toute l’équipe du Cercle occitan de Mèze, je vous souhaite.
Santé !
*Avec modération ?
Yvonne BEAUME.
Mèsa lo 12 de genièr de 2021.