dimecres, 30 de març de 2022

666, E avisa-te que soi pas Nostradamus de Florian Vernet

 

… Dins lo fichièr informatic n°3 de la Clau2 que i aguèri donc accès sonque en Julhet de 2026, titolat 666 e sostitolat E avisa-te que soi pas Nostradamus, acompanhat a guisa de comentari per un tròç de l’Apocalipsi de Joan de Patmos (Aqueste qu’a d’intelligéncia, qu’interprète lo chifra de la bèstia, es lo moment d’aver de discerniment, car es una chifra d’òme e sa chifra es 666. 13.18), Martin porgissiá d’explicas detalhadas, a còps datadas, e tanben de tièras en fòrma de bilanç tragic de totas las catastròfas que nos esperavan, sus la planeta, dins las annadas venidoiras, principalament a partir de 2036.

Coma se i aguèsse personalament assistit, coma se s’èran ja produchas !

 Pròsa - En occitan.

Florian Vernet nascut a Besièrs en 1941. Longtemps ensenhaire e formator dins l’Academia de Niça, director del departament d’occitan de l’Universitat Paul Valéry de 1996 a 2006. Professor emerit. lexicològue e gramatician. Membre de l’Academia Occitana-Consistòri del Gai Saber, del CPLO e de l’Academia Aranesa. 
Autor de romans policièrs (E Freud dins aquò?, My name is degun, Suça sang Connection, Ont'a passat ma Planeta, Popre ficcion, Metaf(r)iccion a Collision City), de recuèlhs de novèlas (Qualques nòvas d’endacòm mai, Miraus escurs,Vidas e engranatges, Fin de partida)de romans barròc(J@rdin de las Delícias.comLa Nau dels Fòls, Cachavièlha psicomotritz) e de contes pels dròlles ( La Princessa Valentina e autres contes, Lo Grand secret de las bèstias, Contes a rebors).
 

Fòto de cobèrta : Beatus a Liebana,
Commentarius in Apocalypsin - p.104 / Gallica.bnf.fr


Grafisme : Elodie Saulnier, IEO OPM 2022

IEO Erau Edicions
15 Avenue Alphonse Mas, BP 60011
34 501 BEZIERS CEDEX
ieoerau34@gmail.com
06 65 17 40 85

Obratge publicat mercé lo sosten de la
Region Occitania Pirenèus-Mediterranèa
e dau departament d’Erau.


 

 

 






ISBN 978-2-9576489-8-6 -  Prètz: 13,00€ - 21cm x 15 cm, relié.

Bon de comanda de telecargar en picant sus la fòto çai jot: 



Fin'amors triptic ...e mai de Miquèla Stenta

 

Dins Fin’amors triptic ...e mai de Miquèla Stenta, lo raconte correspond en granda partida al títol, un pauc enigmatic, mas lo lector descobrís lèu, a dicha qu’avança dins las paginas, qu’aquesta dimension estetica e picturala es pas la sola, e benlèu pas la mai importanta. D’efièch, tota aquesta òbra corta e fòrta per son autenticitat tematica, es una longa vibracion musicala, un fremiment continú de voses, de sons, de silencis, d’ombras, de tempo mestrejat, d’armonias subtilas organizadas mercè una construccion en tres movements, coma un concèrto, sens oblidar lo scherzo final. Una istòria d’amor ? Òm pòt escriure de somas sul subjècte coma Belle du Seigneur d’Albert Cohen, o Ada de Nabokov, o escriure «  tot simplament » aqueste triptic, cort, en fusion, d’un poder expressiu e d’una densitat impressionanta, deguts, de segur, a la frequentacion dels Trobadors e a lor exigéncia formala. Lo roman nos rend d’alhors lor preséncia quasi sensibla. Lo raconte realiza lo miracle (son de causas qu’arriban) de far coabitar dos monds diferents, d’èstres que se cèrcan, se tròban, se pèrdon, e…  Lo miracle d’entrebescar dins la vida vidanta de tempses istorics e d’espacis diferents, d’espacis interiors tanben,  e de far d’un viscut talament personal - pudicament personal- una experiéncia universala. La literatura occitana es al començament de la literatura occidentala modèrna, mila ans après, es encara viva e a pas oblidat sas originas. Lo florilègi final n’es la confirmacion. Florian Vernet, 24/10/21

 Pròsa e poesia - En occitan.

Miquèla Stenta Miquèla Stenta, setòria, passèt dos decennis en Lemosin, pròche lo castèu de Ventadorn, çò qu'explica benlèu l'inspiracion trobadorenca. Despuòi mai de cinquanta annadas, practica « l'activisme culturau ». A publicat sus la societat medievala (e concebut concèrts e espectacles), la literatura modèrna (obratges e articles), e d'escriches mai personaus.

retrach realizat per Stella Bagioni a partir d'una fòto (Total Festum Cendras, 2021)

Illustracion de cobèrta :
Placa d’esmalt, òbra dau mèstre esmaltaire Paul Bufòrn a Lemòtges,
d’après una placa a subjècte cortés decorant una arqueta,
esmalt dau talhièr de « la cort d’Aquitania », vèrs 1180.


Grafisme : Elodie Saulnier, IEO OPM 2022

IEO Erau Edicions
15 Avenue Alphonse Mas, BP 60011
34 501 BEZIERS CEDEX
ieoerau34@gmail.com
06 65 17 40 85

Obratge publicat mercé lo sosten de la
Region Occitania Pirenèus-Mediterranèa
e dau departament d’Erau.


 

 

 

 

 

ISBN 978-2-9576489-8-6 -  Prètz: 13,00€ - 21cm x 15 cm, relié.

Bon de comanda de telecargar en picant sus la fòto çai jot: 



Los mai legits