dimecres, 27 d’abril de 2022

Per sorire o per plorar?

 L'ora dels comptes...



 

Maridatge pluviós

           Diga ! Èrem de maridatge dissabte passat e ploviá a ferratasses. A la sortida de la glèisa, la nòvia plorava a bolhon totas las lagremas de son còs tant talament tombavan de rabanèlas e sa ploradissa, pecairòta, se veniá apondre a l’aigatge, dins una gandòla qu’aviá pas besonh d’aquò per desbordar… Plan aürosament, lo nòvi, mercé son telefonet darrièr crit de la poma a mitat manjada, capitèt de tocar la wedding planner que faguèt sulpic un briefing amb son staff dins l’open space, còsta lo showroom, e que diguèt que caliá daissar plòure…

Vòls que te diga ? Degun lor aviá pas res demandat, a eles, los senators de ràdio platana que s’escacalassavan amistosament dins sas bòtas de cauchó caqui, la cara amagada per sos parapluòjas negres a agachar la desbaruta de la nòça e pasmens, pasmens…  T’aurián dich, los senators, t’aurián dich que « Jorget, Marquet, Tropet, Croset son los cavalièrs de la freg, amai quauques còps Joanet » e qu’en mai la freg sovent per sanflorada t’ofrisson la ramada.

Aicí sèm, veja-aquí çò que t’arriba quand te copas de tròp de tas rasigas, e sens rasigas, banhadas son las flors polidas …

Rai, diguèt la wedding planer servirem lo coctèl dejunatòri jos lo cobèrt au fons dau pargue dau castèl. Que s’anatz dins un maridatge uòi, i a pas pus d’aperitiu : tròp vulgar, tanpauc de vin d’onor que tròp comun, te convidan au coctèl per te pagar lo Champanhe. M’auriá agradat de beure un pastís, mas n’i aviá pas. Pasmens es pas l’aiga que mancava per i metre dedins !

 

Enfin es çò que ne dise, ieu...

 

        La guinhada de l'IEO d'Erau, sus ràdio Lengadòc

en picant sus l'image

TOT SE DESTRACA, MAS…

 

    L’UÒLH DEL BUÒU


LA BILHETA DE L’IVONA DEL CERCLE OCCITAN DE MÈSA.

 

Vos ma tèsta 
Que se desmarga,
 
Vos mos uòlhs 
Pas tot nòus,
 
Vos mas dents 
Que vos enanatz,
 
Vos mas aurelhas, 
Que vos metètz en velha,
 
Vos mon esquina 
Que me gratilha,
 
Vos mos dets 
Mas onte sètz ?
 
Vos mos pès 
Que me traïssètz,

Demoratz coma sètz.

A l’imatge de merles que manjam fauta de tordres, fauta de melhor vos, gardarem coma sètz.

Basta que siá per longtemps.

 

Ivona BEAUME.

Mèsa lo 19 d’abril de 2022

 

L’ŒIL DU BŒUF

LE BILLET D’YVONNE DU CERCLE OCCITAN DE MEZE.

 

TOUT FOUT LE CAMP, MAIS…

Vous ma tête 
qui se détraque,
 
Vous mes yeux 
Pas tout neufs,
 
Vous mes dents 
qui vous en allez,
 
Vous mes oreilles, 
Qui se mettent en veille,
 
Vous mon dos 
Qui me titille,
 
Vous mes doigts 
Mais où êtes-vous ?
 
Vous mes pieds 
Qui me trahissez,

Restez comme vous êtes.

A l’image des merles que l’on mange faute de grives, faute de mieux, nous vous garderons comme vous êtes.

Pourvu que ce soit pour longtemps.

Yvonne BEAUME.

Mèze le 19 avril 2022.

 

 

Paradís o Infèrn? Vos manquetz pas.

 


































































Un planponh de cats

Revirada Monica Bellegarde




 



La rièja del Jaumet N°116

 


 

Bonjorn

En aquel jorn de votacion esperi que los cruciverbistas que seguisson mas rièjas ne son, al cent del cent, contents.

Orizontalas 
1) Pomas d'amor. 
2) Ensorravi. 
3) Tustassan. 
4) Exprimidas a votz viva. 
5) Fan de lin. 
6) De drecha a esquèrra, enlaça. Beguda.
 
Verticalas 
A) Carpan, emplastre. 
B) Reglaments per entrada e sortida. 
C) S'ocupa del motors. 
D) Pichòt cercle. 
E) Semblablas. 
F) Enfonzat dins la sorra. 
G) Nos dins la fusta. Adverbi.

Negras

      E6, G4

Solucion de la setmana passada:

Landari - Ataisar - Tesariá - Emil (lime). Di - Racinas - Aras - Lari. Si.

Lateral - Atemarà - Rasicar - Dialisi - Asr (ras) - Raidats - Iraissi (m'). 

 

Elegit(da) o pas n'i aurà un de banhat, tant coma nosautres per anar votar.

 

Los mai legits