Amigas, amics, l'IEO 34 es a tornar pensar e fargar un site internet novèl. Aqueste site, lo volontam representatiu de çò que sèm dins Erau, dins tota nòstra diversitat, païsatges e personas, e es aquí qu'avèm una demanda de vos formular.
Per las illustracions dau site, nos fa mestièr de fòtos numericas, de
bona resolucion e liuras de dreches, de vòstres endreches, vilatges o
vilassas, monuments, garrigas, vinhas, estanh o mar,... capitèlas,
masets, cabanas o barraquetas. Retraches tanben de femnas e d'òmes
d'òc, de la paura vòstra Tanta Nina, de fèstas, d'animacions que portèretz, d'animals totemics, etc...
De causas tan polidas coma nautres ! (segur, per pauc que l'ajam, metrem sus la fòto lo nom de son autor)
E
sabèm que n'avètz de plens tiradors numerics, d'aquelas fòtos qu'aimatz
plan... Alara, mercé de las partejar, de las far viure, de nos en
mandar quauqu'unas...
Lo
site novèl va integrar una carta dau departament interactiva qu'i seràn
portats dessús cada cercle o associacion. Picaretz sus un drapelon e
tombaretz sus una pagina que serà dedicada a la vòstra associacion. (èra
ja mai o mens coma aquò sus l'ancian site qu'es pas pus a jorn.
I metrem çò qu'aurem coma informacions, las podèm pas inventar.
Per aquò far, mercege doncas los capolièrs de cada associacion d'emplenar e de mandar lo document estacat 2021, Formulari associacions que las pòsque metre a jorn. E vos demande mila perdons de vos faire pèrdre de vòstre temps preciós mas aquò nos fa mestièr.
Aquí tanben cau de visuals, logo, fòtos, afichas, videos per metre en segonda part de pagina.
Mèfi,
que se tracha pas de me faire la lista exaustiva dels eveniments que
portèretz dempuòi l'an pebre mas de donar una idèa generala de çò que
sètz, sus las manifestacions qu'avètz costuma d'organizar, etc..
Los
eveniments a venir prendràn puslèu plaça dins la comunicacion
setmanièira de l'IEO e
sus lo blòg.
E, ... rau !
E esperam tanben vòstra adesion a l'IEO per 2021 e tanben aquela de vòstre cercle o associacion !
Cap comentari:
Publica un comentari a l'entrada