• La non-Euròpa : Se
las instàncias europèas avián volgut explicar que la construccion
europèa èra un miratge, aurián pas fait autrament ! Euròpa voldriá dire
la liura circulacion dels ciutadans. E ben non ! Cadun tampa las
frontièras e las torna dobrir atal-atal. Los principis de reprocitat
arriba que foncionen d’un biais variable e, d’unis còps, univòc. Quand
se passa una frontièra, se sap pas mai se serà possible de tornar a
l’ostal !
• La distanciacion : Semblariá
que d’un país l’autre, d’un territòri l’autre, lo virús agèsse pas las
meteisses capacitats de circular e de s’espandir : aicí cal èsser a mai
d’un mètre ; aval, a mai de dos mètres … Çò meteis pel nombre : es pas
possible de se trapar a 10, a 50, a 1000 o a 5000 segon los endreits mas
tot lo monde se pòt tornarmai esquichar dins los trens e los metròs,
mas pas dins los cinèmas, los teatres o los estadis ! Se cal téner a un
mètre de distància dins los restaurants, mas òm se pòt setar a un
desenat a la meteisse taula !
• L’aplicacion : Pareis
que l’aplicacion anti-Covid va salvar lo monde ! Levat que tot lo monde
es pas forçat d’aver un telefonilhet (aquò’s una tissa de dire que
l’aplicacion te simplifica la vida ; es puslèu lo contrari : complica
del tot al tot los rebèls a la dematerializacion de la societat). I aurà
mai d’una tièra de ciutadans : los aparelhats que vòlon saber, los
aparelhats que se’n foton, los desaparelhats que voldrián saber, los
desaparelhats que se’n trufan, los que creson pas brica a las
aplicacions,…Qual traparà una aplicacion per reglar la situacion ?
• Los sonhaires : Tot
lo monde pica de las mans pels sonhaires e aquela empega ! Quand te
tornas setar sul selon a la fin de la represa, a mitat-assucat, lo
sonhaire es aquí per te faire de vent amb una servieta, te faire flairar
sals o sabi pas qué per te reviscolar, te brama dins las aurelhas que
siás pas a mitat-mòrt mas a mitat-viu e que t’i cal tornar : un
vertadièr borrèl ! Se fas lo Torn de França, possible que lo sonhaire
age lo secret per te faire pedalar mai aviat que lo vent e que te
traparà quicòm per te sublimar dins sa caissa o son forgon de potingas
indecelablas ! Se siás sus un tarrenc de rugbí e que prenes un
cacha-morre, aquí que t’arriba lo sonhaire (sabi pas s’es lo meteis) amb
son esponga-miracla que te remet sus pè, los esperits dins las brumas,
per tornar prene plaça dins la còlha dels collègas… Un vertadièr sadic
qu’aima plan que los autres se faguen mal e patiguen ! E volètz
qu’anèsse picar de las mans per el e sos collègas ? È, de qué ? De
qué ?? De qué ??? Se tracha pas d’aqueles sonhaires, mas dels
espitalièrs ! Pauròts, un còp de mai, aviái res comprés !
Decomprenelat Roch
• E pensatz-i : LA SEMAINE DU MINERVOIS A BESOIN DE VOUS !
Chers lecteurs, les mesures de confinement nous coupent de nombreux annonceurs et nous éloignent de nombreux lecteurs.
Pour
que la Semaine du Minervois puisse traverser la crise, nous éditons le
journal une semaine sur deux ce mois de mai. (prochain numéro le 20
mai).
Mais
nous continuons à informer et à rester au plus près du territoire.
Reportages, infos pratiques, découvertes… : retrouvez-nous en ligne et
sur les réseaux sociaux.
Faire vivre un journal régional est de nos jours un véritable défi et nous avons encore plus besoin de vous, chers lecteurs.
Offre spéciale d’abonnement : 1 euro pendant 2 mois, puis 5,50 $, soit 24 € pour 6 mois ou 57 € pour un an.
La Semaine du Minervois, 7bis, avenue d’Homps 34210-Olonzac ; semaineduminer
Cap comentari:
Publica un comentari a l'entrada