LA BILHETA dau 02/02/21 DE L’IVONA DEL CERCLE OCCITAN DE MÈSA
Mèfi ! Uèi Mameta s’es levada del maissant pè. Arrèsta pas de rondinar.
Me dist : « escota, quant a quant, un còp de maissa, sabi pas cò que fa a los que lo recebon, mas fa de ben a son autor. Vòli parlar de la vida vidanta de nosautres, los ainats, e de sos trabuquets. Volètz dobrir un paquet ? amb tota la bona volontat que i metètz, es pas aisit. Quand tenètz enfin la lengueta transparenta e minuscula, la vaquí que se copa, e lo bocin vos pega als dets ; lo paquet el, es totjorn barrat. Es a tornar far. I aviá ben escrich « ouverture facile » ? Sabi legir encara. Es per aquò que l’ai crompat. Es plan se trufar del mond !
Val melhor daissar tombar aquò e agantar una boita de consèrva, encara que la pòrta del cabinet es pro nauta. Lo progrès, es qu'avèm pas pus besonh d’obridor : sufís de tirar sus la lengueta en metal. Coma cresètz ? aquela fa de resisténcia. Papeta, vèni m’adjudar ! Ont es passat ? aquel s'avètz besonh de res o podètz sonar. Tira que tiraràs, mas mans, un pauc vielhòtas ne’n venon pas al bot. Ten manjarem dos uòus. Pel moment, las galinas an pas encara inventat un sistèma maligne just per nos em….Profecham ne !
Pro encanhada per aquela preparacion del dinnar, l’engolissi lèu lèu per m’anar pausar amb un jornalet, sens doblidar las lunetas. De qu’an escrich ? cada jorn es mai petit. Pasmens es pas la plaça que mancava a l’entorn dels articles. Demai aqueles, mai d’un còp son encartats dins de fonzes de color que los rend illegibles. Per apausar sus la paret seriá polit, d’acòrdi…bon s’anem pas engranar per aquò. Deman lo jornalet servirà a plegar las rèstas del peis, antau l’aurai pas crompat per res.
Un còp d’uòlh a las informacions de la television. Mercé als jols-títols, qu’aquel mond parlan dins sas dents e coma de mitralhetas. Curiosamant, solament las publicitats, a prepaus de tot e de res, s’ausisson plan. Cal dire que sont repapiadas fins a nos sadolar. Me'n fiqui pas mau, sus ieu fan l’efècte contrari a çò recercat.
Patin, patan, lo sòm me prend. Es l’ora de la dormida…Dring ! Vaquí que lo telefòn s'i met. De qué me vòlon vendre encara ? Per principi, comprarai jamai quicòm vendut d’aquel biais de far. Qu’òm se lo diga !
Mas adieu lo sòm per uèi. Alara me meti a soscar. Me disi que de còps los “decideires” coma se ditz ara, serián inspirats de parlar de lors mestièrs amb lors grands. Sarián edificats…De qué disètz ? An pas de grands ? A !!! es per aquò ! Tant pièg per eles, sabon pas çò que pèrdon ! ».
&&&&&&
« Tè, abans de partir, agacha-me l’ordinator que ne fa qu’a son sicap aquel ! Vaquí, sera tot per uèi. Mercé plan d’estre vengut, e bona jornada . Lo poton ».
Yvonne BEAUME.
Mèsa lo 2 febrièr de 2021.
UNE JOURNEE ORDINAIRE DE MAMÈE.
Attention ! Aujourd’hui, mamée s’est levée du mauvais pied. Elle n’arrête pas de rouspéter.
Elle me dit : « écoute, de temps en temps, un coup de gueule, je ne sais pas ce que ça fait à ceux qui le reçoivent, mais ça fait du bien à leur auteur. Je veux parler de notre vie quotidienne, à nous les aînés, et de leurs embûches.
Vous voulez ouvrir un paquet ? avec toute la bonne volonté que vous y mettez, ce n’est pas facile. Quand vous tenez enfin la languette transparente et minuscule, voilà qu’elle se casse, et le morceau vous colle aux doigts ; le paquet lui, est toujours fermé. C’est à refaire. Il y avait bien écrit « ouverture facile » ? je sais encore lire. C’est pour ça que je l’ai acheté. C’est bien se ficher du monde !
Il vaut mieux laisser tomber ça et attraper une boîte de conserve, encore que la porte du buffet soit bien haute. Le progrès, c’est qu’on n’a plus besoin d’ouvre-boîte. Il suffit de tirer sur la languette en métal. Que croyez-vous ? celle-là fait de la résistance. Papé, viens m’aider ! Où est-il passé ? Celui-là, si vous n’avez besoin de rien, vous pouvez l’appeler. Tire que tu tireras, mes mains un peu vieillottes n’en viennent pas à bout. Tiens nous mangerons deux œufs. Pour le moment, les poules n’ont pas encore inventé un système malin juste pour nous em…profitons-en !
Bien agacée par cette préparation du repas, je l’avale rapidement pour aller me reposer avec un magazine, sans oublier les lunettes. Qu’ont-ils écrit ? Chaque jour c’est plus petit. Pourtant ce n’est pas la place qu’il manquait autour des articles. De surcroît, plus d’une fois ceux-là sont encartés dans des fonds de couleur qui les rend illisibles. Pour apposer sur le mur ce serait joli, d’accord…bon on ne va pas s’énerver pour ça. Demain le magazine servira à plier les restes du poisson, ainsi je ne l’aurai pas acheté pour rien.
Un coup d’œil aux informations de la télévision. Heureusement aux sous-titres, car ces gens parlent dans leurs dents, et comme des mitraillettes. Curieusement, seulement les publicités, à propos de tout et de rien, s’entendent bien. Il faut dire qu’elles sont ressassées jusqu’à nous soûler. Je m’en fiche pas mal, sur moi elles font l’effet contraire à celui recherché.
Patin, patan, le sommeil me prend. C’est l’heure de la sieste…Dring ! Voici que le téléphone s’y met. Que veulent-ils me vendre encore ? Par principe je n’achèterai jamais quelque chose vendu de la sorte. Qu’on se le dise !
Mais adieu le sommeil pour aujourd’hui. Alors je me mets à réfléchir. Je me dis que parfois les « décideurs », comme on dit aujourd’hui, seraient inspirés de parler de leurs métiers avec leurs grands-parents. Ils seraient édifiés…Que dis-tu ? ils n’ont pas de grands parents ? Ah !!! c’est pour ça ! Tant pis pour eux, ils ne savent pas ce qu’ils perdent ! »
&&&&&&
« Tiens, avant de partir, jette un coup d’œil à l’ordinateur, qu’il n’en fait qu’à sa tête celui-là ! Voilà, ce sera tout pour aujourd’hui. Merci d’être venu et bonne journée. Le bisou ».
Cap comentari:
Publica un comentari a l'entrada