ISTÒRIA O LEGENDA DEL BUÒU DE MÈSA.

 

    L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

En l’an 49 una familha modèsta de BESIÈRS arriba sus las rivas de l’estanh de TAUR. Aquel endrech se sonava « Las Morgas* », e una carrièra del vièlh Mèsa porta encara aquel nom.

Aquel mond èran trabalhaires, e ne calguèt d’esfòrces per faire d’aquela tèrra amistosa sonque per los moissaus, una plana fertila.

Per astre, e per qu'èran fòrça braves amb lors animals, un parelh de buòus los ajudèron sens relambi, se comportant companhons fidèls.

Totes ensems ganhèron la partida e los modèsts proprietaris finiguèron per trapar la prosperitat. Mas foguèron pas ingrats envèrs lors valentas bèstias.

Quand lo darrièr buòu moriguèt, espandiguèron sa pèl per la far secar e ne fabriquèron un maniquin per lo gardar longament jos lors uòlhs.

De generacion en generacion, l’istòria d’aquel buòu contada a la velhada s’es pas jamai perduda, e es entau que devenguèt nòstre animal totemic coma disèm uèi.

I a pas un eveniment festiu important del vilatge que se passe sens el. Ara lo maniquin es portat per qualques solides galhards amagats jos la tèla que i servís de pèl.

Cada an al mes d’agost, per la barradura de la fèsta locala, es mes a mòrt e son abil bovièr lo tuga d’un adrech còp d’espada. Aquò fa lo bonur dels enfants e dels toristes, vejan lo sarrabastal que mena lo Buòu sus l’esplanada del vilatge, amb de grands còps de maissa desesperats per cridar al secors e escapar a son sòrt, abans de capitular tot tremolant dins un darrièr subre-saut. Abans a pas mancat pas  d’engolir un parelh d’enfants amb gromandisa.

Mas se volètz la pròba que nòstre buòu es eternal, venètz le primièr o lo 8 de mai de 2022 lo veire deambular davant la cavalcada del còrso florit, pròba viventa qu’a reviudat.

Aquel animal es pas rancurós que, fa d’aquò qualques annadas, a acceptat d’acompanhar son vièlh bovièr a sa darrièra demora, lo cementèri.

L’iniciativa es estada mai o mens presada per la populacion. N’i an qu’an volgut i veire quicòm de popular, de vulgar emai de grotesc.

Ieu pensi qu’es estat un biais de consacrar los solids ligams que pòdon unir los òmes e lors animals, se probent una reconeissança mutuala en un bèl simbòl. A cadun son vejaire.

Alara lo Buòu de Mèsa, istòria o legenda ? De que pòt faire, l’essencial es plan alhors.

*Morgas : religiosas.

 

Ivona BEAUME.

Mèsa lo 15 d’abril de 2022.

 

      L’ŒIL DU BŒUF

LE BILLET D’YVONNE DU CERCLE OCCITAN DE MEZE.

HISTOIRE OU LEGENDE DU BŒUF DE MEZE.

 En l’an 49 une famille modeste de BEZIERS arrive sur les rives de l’étang de THAU. Cet endroit s’appelait « Les Mourgues »*, et une rue du vieux Mèze porte encore ce nom.

Ces gens étaient travailleurs, et il en a fallu des efforts pour faire de cette terre hospitalière seulement pour les moustiques, une plaine fertile.

Par chance, et parce qu’ils étaient gentils avec leurs animaux, une paire de bœufs les aidèrent sans relâche, se comportant en fidèles compagnons.

Tous ensemble, ils gagnèrent la partie et les modestes propriétaires finirent par trouver la prospérité. Mais ils ne furent pas ingrats envers leurs vaillantes bêtes.

Quand le dernier bœuf est mort, ils ont étendu sa peau pour la faire sécher, et ils en ont fabriqué un mannequin pour le garder longtemps sous leurs yeux.

De génération en génération, l’histoire de ce bœuf, racontée à la veillée, ne s’est jamais perdue, et c’est ainsi qu’il est devenu notre animal totémique, comme nous disons aujourd’hui.

Il n’y a pas un événement festif important du village qui se passe sans lui. Maintenant le mannequin est porté par quelques solides gaillards cachés sous la toile qui lui sert de peau.

Chaque année au mois d’août, en clôture de la fête locale, il est mis à mort et son habile bouvier le tue d’un adroit coup d’épée.  Cela fait le bonheur des enfants et des touristes, voyant la sarabande que mène le Bœuf sur l’esplanade du village, avec de grands coups de gueule désespérés pour crier au secours et échapper à son sort, avant de capituler tout tremblant dans un dernier soubresaut.  Auparavant, il n’a pas manqué d’avaler une paire d’enfants avec gourmandise.

Mais si vous voulez la preuve que notre bœuf est éternel, venez le premier ou le 8 mai 2022 le voir déambuler en tête de la cavalcade du corso fleuri, preuve vivante qu’il a ressuscité.

Cet animal n’est pas rancunier, car il y a de cela quelques années, il a accepté d’accompagner son vieux bouvier à sa dernière demeure, le cimetière.

L’initiative a été plus ou moins bien appréciée par la population. Il y en a qui ont voulu y voir quelque chose de populaire, de vulgaire et même de grotesque.

Moi je pense que c’était une manière de consacrer les solides liens qui peuvent unir les hommes et leurs animaux, se prouvant une reconnaissance mutuelle dans un beau symbole. A chacun sa vision des choses.

Alors, le Bœuf de Mèze, histoire ou légende ? Qu’est-ce que ça peut faire, l’essentiel est bien ailleurs.

 

*Mourgues : religieuses.

 

Yvonne BEAUME.

Mèze le 15 avril 2022.