LO CÒRSO FLORIT

 

      L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

 Se los eveniments lo permeton, lo 1^èr e lo 8 de mai de 2022, se debanarà a Mèsa lo còrso florit, tradicion remesa al gost del jorn fa ja 45 ans.

Per l’ocasion, lo Buòu, nòstre animal totemic, menarà coma totjorn la cavalcada, e amb estrambord, que deu aver de formigas dins las patas.

En efièch, en 2020 e 2021, tant el coma nòstre polit chivalet, l’autre animal totemic, son demorats a l’estable a se rosegar las sangs, esperant de jorns melhors.

Lo Buòu serà seguit dels carris, tot bèlses, tot florits, e inofensius, aqueles ! I aurà atanben los grops, que son compausats de mond de tot atge. Aqueles s’investisson dempuèi de mèses per apréner a dançar, a cantar ensems e en musica, sus de tèmas divèrses, coma per exemple de mestièrs.

Los mas ancians sabon far repiutar la tradicion originala, es a dire se trufar de las calamitats, prenent lo partit de ne rire per ne plorar pas. Quana suspresa nos resèrvan aqueste an ? Malaürosament, deguèron pas èstre dins l’embarràs per causir un tèma.

Pendent la tantossada, tot aquel bèl monde met lo rambalh dins las carrièras del vilatge. Lo chivalet e los grops s’arrèstan sus las placetas per faire lor demostracion, jos los aplaudiments d’un public totjorn nombrós. Aqueste an, qu'avèm besonh mai que jamai de musicas, de pampalhetas, de colors e de jòia collectiva, segurament que lo public serà al rendètz-vos per ensajar de virar la pagina de doas annadas marridas, o per lo mens, de las metre entre parentèsis.

A la fin del passa-carrièras, sus lo mai bèl dels carris, Sa Majestat la Reina de Mèsa, acompanhada de sas delfinas, totas tres dins lors bèls ajusts – e eligidas democraticament cada annada – vos gratifiràn d’un gèsta real de lor divina man, per vos mercejar de vòstra participacion e vos desirar lo bonser.

 

Ivona BEAUME.

Mèsa lo 7 d’abril de 2022.

L’ŒIL DU BŒUF

LE BILLET D’YVONNE DU CERCLE OCCITAN DE MEZE.

         LE CORSO FLEURI

Si les événements le permettent, le 1^er et le 8 mai 2022, se déroulera à MEZE le corso fleuri, tradition remise au goût du jour il y a déjà 45 ans.

Pour l’occasion, le Bœuf, notre animal totémique, mènera comme toujours la cavalcade, et avec enthousiasme, qu’il doit avoir des fourmis dans les pattes.

En effet, en 2020 et 2021, autant lui que notre joli chevalet, l’autre animal totémique, sont restés à l’étable à se ronger les sangs, en espérant des jours meilleurs.

Le Bœuf sera suivi des chars, tout beaux, tout fleuris et inoffensifs ceux-là ! Il y aura aussi les groupes, qui sont composés de gens de tout âge. Ceux-ci s’investissent depuis des mois pour apprendre à danser, c à chanter ensemble et en musique, sur divers thèmes, comme par exemple des métiers.

Les plus anciens savent faire revivre la tradition originelle, c’est-à-dire de se moquer des calamités, prenant le parti d’en rire pour ne pas en pleurer. Quelle surprise nous réservent-ils cette année ? Malheureusement, ils n’ont pas dû être dans l’embarras pour choisir un thème.

Durant l’après-midi, tout ce beau monde met l’animation dans les rues du village. Le chevalet et les groupes s’arrêtent sur les placettes pour faire leur démonstration sous les applaudissements d’un public toujours nombreux.  Cette année, alors que nous avons besoin plus que jamais de musiques, de paillettes, de couleurs et de joie collective, il est sûr que le public sera au rendez-vous pour essayer de tourner la page de deux mauvaises années, ou pour le moins, de les mettre entre parenthèses.

A la fin du défilé, sur le plus beau des chars, Sa Majesté la Reine de Mèze, accompagnée de ses dauphines, toutes trois dans leurs beaux atours, vous gratifieront d’un geste royal de leur divine main, pour vous remercier de votre participation et vous souhaiter le bonsoir.

 

Yvonne BEAUME.

Mèze, le 7 avril 2022.