ÇÒ MELHOR E ÇÒ PIÈGER

 

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

Venèm de viure çò pièger amb la pandemia del coronavirus. Se sembla alunhar un pauc de nòstre país - fins a quand - mas es pas parièr de pertot. E ara podèm pas demorar insensibles a la guèrra d’Ucraïna que fa tant de victimas innocentas, sens comptar que tanplan nos menaça delà de çò qu’imaginam.

E puèi i a çò melhor amb la represa de l’activitat economica e de las festejadas e autres eveniments de léser.

Per exemple lo Corsò florit mesoi 2022 foguèt una capitada. Lo plaser d’èstre ensemble, de s’assadolar de colors e de musicas dins la jòia, se fasiá sentir delà dels mots per lo dire. S’estrénher, se potonejar dins l’alegria de se tornar trapar, aquò faguèt de ben. Cossí que ne vire !

Los carris èran plan ondrats, los grops avián repetit lor prestacion amb aplicacion. Cantèron e dancèron fins a l’aganiment. « Lou PETÈT » metèt amb afogament un ambient bon enfant.

Lo PETÈT es l’enfant del Buòu. Òc a Mèsa, en mai los muscles e las ustras, avèm una autra especialitat : nòstre Buòu es capable d’enfantar. Fa qualques annadas a vedelat, e per aquò, a pas agut besonh d’estre enjaulat per una bèla vaca.

Aquò vos estona, amai ieu, mas es antau. Es un miracle !

Lo PETÈT menèt sa sarabanda amb enavant. Los portaires, de galechons espesses coma de lamas de cotèl, se desmenèron en diable, imitant lor papà amb  biais, e foguèron aplaudits coma se deu.

La relèva del Buòu es assegurada, e los mesois rassegurats.

Mas lo vielh Buòu a pas dich son darrièr mot, e que degun s’avisa de voler préner sa plaça en tèsta dels cortègis festius ! De còps, lo brave Buòu nos pròva qu’es capable de se metre en colèra…abans de tornar devenir l’animal docil e preferit dels mesois qu’acompanha dempuèi de sègles, per lo melhor e lo pièger.

Ivona BEAUME.

Mèsa lo 2 de mai de 2022.

L’ŒIL DU BŒUF

LE BILLET D’YVONNE DU CERCLE OCCITAN DE MÈZE.

LE MEILLEUR ET LE PIRE.

Nous venons de vivre le pire avec la pandémie du Coronavirus. Si elle semble s’éloigner un peu de notre pays – jusqu’à quand – ce n’est pas le cas de partout. Et maintenant, on ne peut pas rester insensible à la guerre d’Ukraine qui fait tant de victimes innocentes, sans compter qu’elle nous menace peut-être au delà de ce que l’on imagine.

Et puis il y a le meilleur avec la reprise de l’activité économique et des festivités et autres événements de loisir.

Par exemple le Corso fleuri mézois 2022 a été une réussite. Le plaisir d’être ensemble, de se gorger de couleurs et de musiques dans la joie, se faisait sentir au-delà des mots pour le dire. S’étreindre, s’embrasser, dans l’allégresse des retrouvailles, cela a fait du bien. Et advienne que pourra !

Les chars étaient bien décorés, les groupes avaient répété leur prestation avec application. Ils ont chanté et dansé jusqu’à l’épuisement. « Lou PETÈT » a mis avec fougue une ambiance bon-enfant.

Lou PETÈT c’est l’enfant du Bœuf. Oui à Mèze, en plus des moules et des huitres, nous avons une autre spécialité : notre Bœuf est capable d’enfanter. Il y a quelques années, il a mis bas, et pour cela il n’a pas eu besoin d’être séduit par une belle vache.

Si cela vous étonne, moi aussi, mais c’est comme ça. C’est un miracle !

Lou PETÈT a mené sa sarabande avec énergie. Les porteurs, des adolescents épais comme des lames de couteau, se sont démenés en diable, imitant leur papa avec adresse, et ils ont été applaudis comme il se doit.

La relève du Bœuf est assurée, et les mézois rassurés.

Mais le vieux Bœuf n’a pas dit son dernier mot, et que personne ne s’avise de vouloir prendre sa place en tête des cortèges festifs ! Parfois le brave Bœuf nous prouve qu’il est capable de se mettre en colère…avant de redevenir l’animal docile et préféré des mézois qu’il accompagne depuis des siècles, pour le meilleur et pour le pire.

 

Yvonne BEAUME.