diumenge, 2 de setembre de 2018

Lo plen de Seta


Cèucle Occitan Setòri
43 rue de la Liberté
34200 SETE
 

tel : 0467513993
SIRET : 502243157 00026



AS  COLLÈGAS DE  L 'ENCONTRADA


Òsca as afogats que fan lor dintrada tanlèu setembre començat ! Es qu'an pas perdut lo calendièr vendemiaire, e tant que i aurà de  vinhas, faràn aitau, miladieus !
Nautres, a Seta, biscam pas... e dintrarem plan-planet en octòbre coma de costuma.
Pasmens, los afars preissan : lo Cèucle Occitan Setòri es oficialament convidat per Setaggropôle, lo 14 de setembre, a participar a la signatura de la convencion entre la dicha collectivitat territoriala e las societats d'ajustas, convencion qu'a per tòca (entre autras causas, pense) la mesa en valor dau patrimòni musicau de las ajustas. I serem, saique, per presentar lo libre « Las musicas de las ajustas ».
E nos preparam a téner un mes de novembre  dau « fuèc de dieu » coma dison en Lemosin e endacòm mai, probable. Pensatz ! Pas mens de uòch manifestacions dins la mesada ! Entre lo mes dau « documentari-transmission-oralitat » que concernís las mediatècas de Seta e Frontinhan e la setmana occitana dau Cèucle, aurem de qué far ! Farem passar lo programa quand serà ora. Mas desjà, comptam sus vautres !
Bona fin d'estiu a totes.
M.S.

Los mai legits