dimecres, 24 d’octubre de 2018

Un rebat de la setmana occitana dau Cranc




LO  CRANC  A  CAPITAT  SA  XIIe  SETMANA 

Coma d'acostumat en aquesta debuta d'octobre lo Cranc de Massilhan a porgit al mond de la vila e mai als afogats de la lenga e de la cultura occitanas dels alentors, una polida tièra de  manifestacions.  L'inauguracion amb la municipalitat foguèt l'escasença de desvelar de placas de carrièras novèlas en occitan.  Puèi lo Teatre de las Originas  pivelèt los mainatges amb una fadariá ecologica, Cap a l'aucèl. Los adults o foguèron tan coma eles dins una serada de meravilha a l'escota d' Eric Fraj. Lo teatre de Max Roqueta foguèt presentat amb la passion qu'òm li coneis per Joan Marc Vilanòva. Josiana Ubaud faguèt bufar los vents d'aicí e Albèrt Arnaud revelèt  la personalitat apassionada e apassionanta d'Olympe de Gouges, pionièra dels combats feministas. Una capitada chanuda aquesta 12e Setmana que ven de dobrir una annada novèla.d'activtat pel Cranc. Pas tròp escrancar encara  lo Cranc que  festejarà sas 40 annadas d'existéncia en 2019.

Los mai legits