Bonjorn,
fau seguir en document estacat la convocacion / convidacion a l'AG de l'IEO 34 e lo mot dau nòstre president.
Vos grandmercejam de reservar aquela data e de participar a aquel acamp. (emai se sètz pas encartats!)
Avèm besonh de vautres ! Solets capitarem pas mas un pauc a totes o farem tot ! Per aqueles que l'an pas fach encara, vos podètz marcar a l'IEO en tornant a la secretària Francesa lo bulletin d'adesion
çai-jonch. (Una adesion departamentala vos fa sòci de l'IEO federal e
de l'IEO regional. 3 dins 1, es pas polida la vida? ) Tanben, marcatz o
fasètz marcar vòstra associacion, (son pas totjorn a jorn, las assos...)
La vida de l'IEO34 e son pes auprèp dels decideires, la preséncia de
nòstra lenga e de nòstra cultura sus lo territòri que i vivèm es aquel
malhum associatiu unenc que nos devèm d'assolidar e de desvolopar.
Evidentament,
coma cada annada l'adesion se poirà tanben faire lo jorn de l'AG, mas
arpategetz-pas ! Zo ! Çò ja fach, serà pas pus a faire.
Es
important tanben de se marcar per lo repais requist au puslèu per aqueles que vòlon
esperlongar la jornada ! Abans lo 15 de març, mièjanuòch.
De vos veire totas e totes lo 28 de març,
Domenge
AMASSADA
GENERALA DE 2020
ASSEMBLÉE GÉNÉRALE 2020
Convocacion-Convidacion
Los aderents de la seccion d'Erau de l'Institut
d'Estudis Occitans ( IEO 34 ) son convocats a l'amassada generala de
l'associacion per 2020 que se farà
lo dissabte 28 de març
a Cabrièiras (34800) dins la Sala Municipala de las Fèstas
Segon l'orari seguent :
a partir de
9 oras 30 acuèlh dels participants
10
oras dobertura de l'amassada
10 oras –
10 oras 30 presentacion e vòte dels
rapòrts moral, d'activitat e financièr
renovelament del
Conselh d'Administracion
10 oras 30
– 11 oras 15 paraula als representants
dels cercles e associacions
11 oras 15
- 12 oras 30 paraula als aderents,
12 oras
30 recepcion de las personalitats
vin d'onor
Lo mot del
President
Amics sòcis de l'IEO
d'Erau, nos anam trapar a Cabrièiras lo 28 de març venent. Lo cercle dels
Vissonèls s'es propausat de nos reçaupre per nòstra acampada annala. Que sián
grandmercejats de lor implicacion e del
trabalh que lor va donar.
L'Amassada Generala es
un acte essencial dins la vida d'una associacion. La nòstra pren ongan una
importància particulara del fach del
reagençament necessari de nòstra estructura. Marcham dempuèi doas
annadas sens emplegat, sonque mercé las òbras d'unes benevòls. Nos avisam que
mai d'un còp de mancas pòdon afrabar l'accion de la Seccion Departamentala. Son
espandiment sus tot l'ample del territòri erautés, lo nombre important dels
cercles e lor activitat demandan una comunicacion alargada per assegurar
continuitat e coëréncia e n'afortir l'eficacitat. La desaparicion de l'IEO
Lengadòc nos carga de tascas novèlas, an cambiat las relacions amb la Seccion
Regionala novèla, la d'Occitània Pirenèus Mediterranèa (OPM ) D'un biais
general los rapòrts amb las institucions de mai en mai se foncionarizan e demandan una professionalizacion. Parli del
Departament e mai que mai de la Region amb la mediacion obligada de l'Ofici
Public de la Lenga Occitana ( OPLO ). Vos rapèli qu'avèm de longa besonh de
trabalhar amb aquestas institucions e amb lor ajuda.
La situacion dins
aquestes aspèctes diverses nos a menat a
enfaciar de tornar prene un emplec salariat. (2 jorns/setmana) Una
escasença se presenta, nòstre amic
Domenge Caucat es disponible. Secretari de la Seccion es al fial del trabalh e
ja a mostrat son vam e son eficacitat.
Nòstre CA renovelat e
alargat fonciona regularament. Saique avèm besonh de melhor definir las tascas
al dintre. De mai sabèm que d'unes membres an enveja - o besonh ? - de se
pausar. De tot biais i sèm pas jamai de tròp nombroses. D'aquí lançam mai la crida al mond interessats d'i dintrar.
Espèri veire a
Cabrièiras una forèst de braces se quilhar quand ne parlarem.
Acabarai en tornant
dire la necessitat de la preséncia e de l'accion de nòstre IEO dins la lucha de longa tornada per sauvar
nòstra lenga e faire viure sa cultura. E d'en primièr en çò nòstre de se trapar
nombroses dins nòstra acampada generala.
Venètz totes a Cabrièiras
qu'es aisit de trobar, al pè del Ròc de Visson !
Albèrt Arnaud
Seguida de la Jornada
1
ora dinnar e còp de maissa alestit per lo restaurant « l’Oustalou » de Clarmont
d’Erau :
-
Ensalada
compausada : magrets secats, gresièrs confits, cebas de las Cevenas,… ( Per salivejar un pauc e se lavar la boca…)
-
Adòba
medievala (Tant ai mon còr plen de
jòia !) amb de pastas frescas
-
Formatges
(Cau èsser segur d’aver las tripas
caudas…)
-
Bavarés
(Bavarois) als fruches roges (Per faire Dieu de son ventre…)
Vins
e cafè.
Prètz
24 € Se cal marcar. Se pagarà del temps del repais
2 oras
30 Animacions
Se
marcar pel repais
abans lo
15 de març mièja-nuòch au prèp de Joan Peire joanpeire.34@hotmail.fr Tel : 07 82 74 90 76
