Bonjorn amics e amigas cantaires,
"Lo Buòu" vos rapèla que los XXIVn rescontres de la cançon occitana se debanaràn los 16 e 17 de mai 2020.
Es Danièle Franzin que bailejarà l'estagi de Polifonias. Nos es estada recomandada pel grop "Nadalenca" qu'a trabalhat amb ela..
(
Per ajudar los grops a nos retrobar, lo burèu a decidit que lo cercle
occitan de Mèsa poirià participar als fraisses de transpòrt d'aquels que
demòran a mai de 50 kms.)
Al plaser de se retrobar per cantar.
Amistats.
Annie et Chantal
• Estagi de polifonias occitanas : Organisat
pel Cercle Occitan de Mèsa jos la responsabilitat pedagogica de
Danielle Franzin, aquel estagi a per tòca de desenvolopar lo cant
polifonic. Es dobèrt a totes, òmes, femnas, adolescents, individuals o
en gropes ja constituits. Se debanarà a Mèsa lo dissabte 16 e lo dimenge
17 de mai 2020 al Fogau Municipal. Son preses en carga per lo Cercle
Occitan: los repaisses del dissabte de ser, la brasucada de muscles e lo
repais del dimenge a miègjorn. Per los que son pas estagiaris, lo prètz
del repais del dissabte es de 6 €. La conclusion de l’estagi es la
participación dels estagiaris, la tantossada del dimenge, als Rescontres
de la Cançon Occitana. La possibilitat d’albergament es prevista per la
nuòch del 16 al 17 e lo dejunar del dimenge
• Inscripcion a l’estagi :
Nom ..............................
• Los 24ems Rescontres de la Cançon occitana 2020 De
qu’es aquò ? La primièra tòca es de faire se recampar de mond:
individuals, grops, còrs, qu’aiman cantar en occitan e vòlon partejar
aquel plaser amb de cants novèls e d’un còp èra, estacats que son al
reviscòl de la cançon occitana jos totas sas formas. Aquela
manifestacion es un jorn de fèsta pels cantaires coma pels auditors amb
passa-carrièra, brasucada de muscles, repais totes ensems e presentacion
dels repertòris en public sus l’empont. Rendètz-vos pels 24ems
Rescontres de la Cançon occitana “las Voses de Mai” que se debanaràn al
Fogau Municipal de Mèsa lo dimenge 17 de mai 2020 a 10 oras.
• Lo vejaire de l’IEO : L’Institut
d’Estudis Occitans d’Erau acompanha dempuèi la debuta los Rescontres de
la Cançon occitana de Mèsa que pòrtan la lenga d’òc al public, sus
l’empont e per carrièras. Se fan rescontrar de mond divèrses, venguts de
còp de luònh, dins un ambient de fèsta amistosa. Es un jorn de fèsta de
la lenga plan marcat a l’ora d’ara dins lo calendièr de las
manifestacions occitanas. L’IEO sosten las rescontres mercé a l’ajuda
del Conselh general d’Erau e li balha resson dins los cercles occitans
d’Erau e de Lengadòc. L’interès de la cançon per faire viure la lenga es
pas necite d’o demostrar que la bota dins las bocas e los ausidors. Los
rescontres son font de .descobèrtas: cada an, fan descubrir de
cantaires, en còrs, en grops e individuals, e mai de cançons novèlas,
desconegudas o reviscoladas. Aquò’s una accion concreta de tria dins la
promocion de l’occitan qu’es nòstra amira a totes. Los Rescontres de
Mèsa son una capitada bèla del cercle occitan “lo Buòu” qu’avèm lo
plaser de saludar e de benastrugar pel prètzfach complit del long de las
annadas, alargat pels estagis de cant polifonic. Longa vida a las voses
de mai ! Òsca pel Buòu de Mèsa !
• Bulletin de participacion als 24em Rescontres de la Cançon Occitana A Mèsa lo 17 de mai 2020
Nom
del (a) cantaire (a), del grop, del còr …………………………………………………….
Responsable……………………………………… Adreça…………………………………………….
……………………………………………………. Telefòn……………………………………………
Corrièl…………………………………………….
Nombre de cantaires………………………………
Nombre d’acompanhators……………………….
Nombre de personas pel repais*……………….…
Participacion als fraisses : 6 € per cantaire e aderent al « Buòu »
Repertòri Cançon n°1 ………………………………………….
Cançon n°2 ………………………………………….
Cançon n°3 ………………………………………..…
*lo
repais es ofert als cantaires, còsta 16 € per los acompanhators. Cercle
Occitan de Mèsa Jocelyne Lavoine, 161chemin du Cros, Le Mas Raphael,
App A5 34140 MESA Inscripcion abans lo 30 de abril 2020
• Se
pòt demandar mai d’informacions al : Cercle Occitan de Mèsa Monsieur
Jean-Louis Hérodier Tel : 06 18 62 02 59 34140 Mèze jlherodier@gmail
com
