LO CORONAVIRUS
Salopariá, vilaniá ! Ont
siás ? Mòstra te un pauc. As pas vergonha de t’amagar per complir ton
forfach ? De qué t’an fach lo mond per que siagues tan michant !
Te rendes compte ? quant de
familhas as ja fach cabuçar dins lo dòl sus la Planeta tota ?
Te rendes compte que siás en
trin de metre de genolhons los que fan tot çò que pòdon per nos tirar d’aquel
afar, tant coma los que contunhan de far foncionar los païses ? E tot aquò
al perilh de lor vida e d’aquela de lor familha. E per tot aquò far mancan fòrça de mejans ! Los
mercejarem pas jamai pro.
Te rendes compte que lo mond sont
constrenches de s’entraucar coma de taupas, de se confinhar dins lor ostal. Fins
a quant ? Degun o sap ! N’i a que ne van pèrdre lo cabucèl.
E los Vièlhs, dins los
EHPAD ? Fa un mes qu’an pas vist qualqu’un de lor familha. Mai d’un va
quitar aquela Tèrra maldicha sens aver solament escambiat lo darrièr poton amb los
sieus. De qué t’an fach, eles ?
Alara, se siás un òme, as que
de sortir de ton trauc e nos explicarem, emai aquò volguèsse dire de pachejar
amb lo Diable en persona.
Pel moment, òm poiriá decidir
de conclure una trèva : arrèsta-te un brieu de nos emmascar quand tot bèl just
mancam tant de masquetas !
Quina eretgia !
Mèsa lo 3 d’abril de 2020.
Tè aquò m’a fach de
ben !
