Jorget, Marquet, Tropet, Crozet,
Son los Cavalièrs de la freg,
Amai quauques còps Janet.
Jorget, Marquet, Tropet, Crozet,
son los quatres Cavalièrs
Amai quauques fes Janet
Lo mot cavalièr es emplegat pr’amor de Sant Jòrdi
qu’es fòrça sovent representat sus un chival crane e ufanós.
D’en primièr, quand se passa plan la sant
Jòrdi, sens cap de geladas :
Sant
Jòrdi es estat bon cavalièr.
Sant Jòrdi bota l’espiga a l’òrdi e la flor al lin.
Per Sant Jòrdi vai t’en veire l’òrdi :
Se
lo trobas espigat, per Sant Joan serà manjat.
Quan
plòu per Sant Jòrdi, ni prunas ni òrdi.
Quan
plòu per Sant Jòrdi, adieu las cerièras !
Sant Marc que trempa pòrta pas renda.
Per Tropet :
Sant
Estròpi trempat, estropia las cerièras.
Santa
Crotz s’empòrta o daissa tot.
Per çò de Janet, Sant Joan Pòrta-Latina, dau nom d'una pòrta de Roma que lo Sant i siaguèt martirizat un còp èra, nòstres ancians ne faguèron Sant Joan pòrta la tina que se tot se passa plan per la Sant Joan, la tina serà comola...
Jorget lo 23 d’abriu
Marquet lo 25 d’abriu
Tropet lo 30 d’abriu remplaçat per Robèrt. Vai-z'i Ro-Ro !
Crozet lo 3 de mai remplaçat per Jacme e Felip levat a Sant Guilhem qu'es la Fèsta de la Crotz e que s'i distribuís encara uòi los pichons pans en forma de crotz aparaires dau fólzer !
Janet lo 6 de mai remplaçat per Prudéncia
Los Sants de glaça
Sant Mamert, Sant Servais e Sant Pancraça,
Son
ben nommats los Sants de glaça.
Sant Mamert, inventor de las Rogasons se festeja lo
11 de mai.
Sant Pancraça, que moriguèt a catòrze ans se festeja
el, lo 12 de mai.
E per acabar lo
mai marrit, Sant Servais que sa fèsta tomba lo 13 de mai.
Mamert lo 11 de mai
remplaçat per Joana d’Arc, puòi per Santa Estela ??? que patrona dels felibres per eles es onorada lo 21 de mai,
data anciana de sa fèsta e cap d’an de la fondacion del Felibritge lo 21 de mai
de 1854.
Pancraça lo 12 de mai remplaçat per Aquiles
Servais lo 13 de mai remplaçat per Rotlanda.
E,
doblides pas :
Qual se devestis en Mai
Sap
pas la foliá que fai.
E
Se
plòu per l’Ascension,
Tot
es en perdicion.
