LO BILHÈT de l’IVONA DEL CERCLE OCCITAN DE MÈSA
LO Covid o
LA Covid ? femenin o
masculin ¿ Aquò per exemple es una question existenciala
¡
L’Academia francesa a trencat. Lo
mot serà femenin. Encara un còp dels angleses. Aquò s’apèla copar los
peus en quatre, o se preferissètz, discutir a l’infinit del sèxe dels
àngels.
Es verai que pendent lo confinhament,
los nòstres onorables academicians avián coma tot lo mond de temps per
soscar al Covid – perdon – a LA Covid.
Puèi venguèt lo temps del
desconfinhament. E vaquí que lo mot existis pas dins los diccionaris ; mas
es lo benvengut dins las lengas nòstras. Es un novèl trabalh per los
academicians. Per astre, avèm pas agut besonh d'esperar la resulta del
trabalh de nòstres Savis per
se desconfinhar.
Un autre mot existís pas, es
" resconfinhament". Aquel es pas
lo benvengut ! Que demòre ont es. Anem, avèm tant fach qu’anam
ensajar de contunhar de l’ignorar.
Per l’ora, bon desconfinhament a
totes, sens doblidar la masqueta, que dins aquel moment "d’euforia” plan
legitim, òm pòt veire en se passejant, que las masquetas tomban tan lèu
coma las fuèlhas mòrtas en auton.
Mèfi al retorn de baston
¡
Mèsa lo 25 de
mai de 2020.
Cap comentari:
Publica un comentari a l'entrada