LA
BILHETA
D’IVONA DEL CERCLE
OCCITAN DE MÈSA.
Istorieta
vertadièra :
LA
CLOROQUINA e “LA” COVID
19.
Dins lo periòd
que traversam, entendèm tot e son contrari a prepaus d’aquela potinga. Un
còp òm nos ditz qu’es miraclosa, un autre còp, seriá una vertadièra poison.
De qué ne pensar, alara que sèm dins l’espèr d’una solucion que poiriá
metre d’acòrdi los saberuts del mond entièr que s’estraçan a trapar
quicòm?
Tot aquò finís
per vos manjar la tèsta, e vaquí qu'ièr, de matin, entendèri dins la meuna
de tèsta, una votz que me
disiá : RA...OO... RA...OO... RA...OO, es a dire lo nom del venerable
profesor marselhés, Didièr RAOULT. Aquò s’arrestava pas jamai? La
cloroquina nos rendriá mabols? Non! per
Dieu, èra just lo lavalinge que vojava son aiga lordassa a grands còps de
ra...oo, ra...oo, ra...oo...
Pendent un
instanton, creguèri que los saberuts èran en trin de lavar lor linge en
familha.
Seriá temps que tot
aquò s’arrestèsse non ?
MÈSA LO 12 JUNH de
2020
Cap comentari:
Publica un comentari a l'entrada