Coma la Semaine du Minervois a pas (encara) reprès lo ritme setmanièr, vos prepausi per aqueste dimenge de legir l’editorial d’Annia Wolf dins la Letra de junh de l’IEO-Arièja que n’es la presidenta :
Sabi
pas plan cossí se passa per vosautres, mas per ieu, retirada e
confinhada a la montanha, me sembla que veni coma aqueles ostatges que
s’enamoran de son torturaire ; d’ont mai demòri a l’ostal, d’ont mai i
vòli demorar !
• Resulta estranha d’una vida capvirada dempuèi meses.
E
son pas las informacions qu’avèm pels ecrans entrepausats que nos
pòdon ajudar a comprene ont ne sèm a l’ora d’ara. Dempuèi la debuta
de la crisi, sèm aclapats de vejaires d’ «especialistas » de tota mena,
vejaires garçats amb assegurança le matin e denegats l’endeman quand
es pas le jorn meteis.
Per
ara que nos cal pensar a « la vida d’après », le biais, pels
especialistas e pels elegits de la Republica, de tractar les problèmas
pendent la crisi, nos fa crénher çò pièger per deman.
Avèm
plan vist cossí le mesprètz per las gents e son trabalh, cossí far
passar primièr l’interès e l’argent, cossí tresmudar tot en merça,
duscas a la vida dels malauts de l’espital (venguts practica de
l’institucion), nos menèt a aquel desastre. Nos’n cresèm amb tota la
nòstra superioritat tecnologica e ne sèm a nos servir del confinhament
coma a l’edat mejana del temps que son milions sus tèrra per crebar de
talent ! Vergonha !
Tot
le monde se pòt enganar, de segur, mas al cap d’un moment cal cambiar
de musica e soi pas segura que çò que bricolejan per la seguida siá
totjorn del nòstre gost.
• Cal que tot aquò càmbie !
Mas
las prioritats son pas las meteissas per totes ; ja ac avèm vist amb
las primièras mesuras del desconfinhament : far tornar las gents al
trabalh, les dròlles a l’escòla sens que i aja totjorn la soscadissa e
la securitat, e mai faga mestièr una represa, plan segur.
En çò nòstre e dins le país tot, son fòrça les que son problèma serà pas que la subrevida. Plòu totjorn suls banhats !
E
la cultura d’un biais general, las lengas minoritàrias en particular,
ja qu’èran pas una prioritat quand tot anava melhor, riscan plan de
passar per pèrdas e gasanhs.
Riscam
plan de pèrdre le pauc de mejans qu’aviam, al nom d’una solidaritat
nacionala que jamai nosautres occitans o bretons e d’autres n’avèm pas
vista la color : la lenga de la Republica es totjorn le francés !Es pas
brica aisit de preveire cossí seràn les meses que venon. Ça que la, e
mai siá de bon dire, nosautres tanben, occitans, nos caldrà tornar
inventar d’aviat, se nos’n volèm tirar d’aquela marrida passa. Aurem
benlèu l’astre, dins aqueles tempses trebolats, que las gents aguèsson
l’enveja de descobrir Occitània, sa lenga, son istòria, sa cultura e
son biais de viure e d’aquò, nos’n caldrà tirar profièit.
• Cal ventar quand fa vent !
Sabi pas encara cossí mas traparem le biais, avèm pas d’autra causida e atal entre totes farem tot.
• E pensatz-i : LA SEMAINE DU MINERVOIS A BESOIN DE VOUS !
Chers lecteurs, les mesures de confinement nous coupent de nombreux annonceurs et nous éloignent de nombreux lecteurs.
Pour que la Semaine du Minervois puisse traverser la crise, nous éditons le journal une semaine sur deux ce mois de mai. (prochain numéro le 20 mai).
Mais
nous continuons à informer et à rester au plus près du territoire.
Reportages, infos pratiques, découvertes… : retrouvez-nous en ligne et
sur les réseaux sociaux.
Faire vivre un journal régional est de nos jours un véritable défi et nous avons encore plus besoin de vous, chers lecteurs.
Offre spéciale d’abonnement : 1 euro pendant 2 mois, puis 5,50 $, soit 24 € pour 6 mois ou 57 € pour un an.
La Semaine du Minervois, 7bis, avenue d’Homps 34210-Olonzac ; semaineduminer
Cap comentari:
Publica un comentari a l'entrada