Adieu Poèta

Se la porreta plan grefada,

dona la soca que desborra,

quora arriba lo mes d'abriu,

ne sabes tu plan lo misteri,

coma aquel de faire d'enfants,

amb lo biais d'aimar dels sèrres,

coma lo vin que se fa sang.

Quand la vida coma una rusca,

que pega pas pus a sa carn,

tombarà de ton braç pesuc,

a la finida de l'ivèrn,

e que devendràs soca seca,

d'aver fach un fum de rasim

sabe plan que dins ton agach,

traparai lo meteis silenci

dins una espèra de sason

e una muda consentida

a la tèrra que se dobrís.

Joan Maria Petit.

 Las obsèquias dau paure Joan-Maria Petit se debanaràn  aqueste dijòus 6 d’agost, a 10 h del matin, a la glèisa de Clapièrs.