PLASER DE LEGIR

 

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA

 

Qué de melhor per s’escapar d’un mond pas tojorn remirable que de legir? legir ! un biais de descobrir d’autres orizonts, de s’informar, de satisfar sa curiositat. Los libres tòcan totes los domenis de la vida e de la coneissença : de l’istòria a la sciéncia, passant per las religions, los pòbles, las medecinas, las plantas, e tantas autras causas, de son país o del mond entièr, sens doblidar la poesia e los romans.

 

La lectura d’un roman permèt, s’alunhant de sos pròpris laguis, de faire còrs amb l’escrivan, d’intrar dins sa tèsta, daissant pasmens tota sa plaça a  l’imaginacion del lector. Los eròis prenent de minas, de traches de visatges e mai de voses inventadas per el e que van demorar en l’estat, fins a la fin de la lectura del libre. Es unenc e es magic.

 

Cal pensar als escrivans que se donan tant de mau per engimbrar un obratge : recèrcas, mai o mens longas e complicadas, verificacions…quitament abans de començar lo trabalh d’escritura. Tot aquò sens saupre se lo libre traparà son public, se serà reconegut amb enfasi o denigrat per la premsa e los mèdias. Que son trabalh siá una capitada o non, l’escrivan merita lo respècte per totes los moments de solituda que pòt viure. De tot biais, contribuís mai que degun a transmetre lo saber. Coma o ditz lo provèrbi, " las paraulas s’envòlan e los escriches demòran."

 

Es pas per asard que l’aprendissatge de la lectura ten una plaça capitala a l’escòla. Qué de mai esmovent per los parents qu’escotar amb fiertat lor enfant de 6 ans s’aplicar a deschifrar los mots que li van dobrir las pòrtas d’un mond novèl per el? e per li donar lo gost de la lectura, cossí far? Una suggestion : pendent lo moment d’intimitat que lo paire o la maire parteja amb son enfant, li legissent lo ser un conte o una istorieta abans que s’endormisca, òm pòt s’arrestar just abans lo desnosador, prepausant a l’enfant, ara qu’es grand e qu’a aprés a legir, de contunhar la lectura tot solet, l’endeman matin per exemple. Atal podrà conéisser la fin de l’istòria sens aver a esperar lo ser. Picar la curiositat a pas jamai fach de mau a degun. Al contrari, aquò fa avançar a grands passes dins la vida.

 

Mas a qué serviriá tot aquò se, en seguida, los libres n’èran pas editats puèi venduts ? Alara, se los libraris an pas esperat Amazon per nos en ofrir, en aquel periòd dificil, pensam a eles,  sostenèm los e salvam los del naufragi que vivon actualament, coma voldriam salvar un cap-d’òbra en perilh.

 

 « PLAISIR DE LIRE »

 

Quoi de meilleur pour s’échapper d’un monde pas toujours admirable, que de lire ? lire ! une façon de découvrir d’autres horizons, de s’informer, de satisfaire sa curiosité. Les livres touchent tous les domaines de la vie et de la connaissance : de l’histoire à la science, en passant par les religions, les peuples, les médecines, les plantes, et tant et tant d’autres choses de son pays ou du monde entier, sans oublier la poésie e les romans.

 

La lecture d’un roman permet, en s’éloignant de ses propres soucis, de faire corps avec l’écrivain, d’entrer dans sa tête, laissant pourtant toute sa place à l’imagination du lecteur. Les héros prennent des allures, des traits de visages et même des voix inventées par lui et qui vont rester en l’état jusqu’à la fin de la lecture du livre. C’est unique et c’est magique.

 

Il faut penser aux écrivains qui se donnent tant de mal pour concevoir un ouvrage : recherches, plus ou moins longues et compliquées, vérifications …avant même de commencer le travail d’écriture. Tout cela sans savoir si le livre trouvera son public, s’il sera reconnu avec emphase ou dénigré par la presse et les médias. Que son travail soit une réussite ou non, l’écrivain mérite le respect pour tous les moments de solitude qu’il peut vivre. De toutes façons, il contribue mieux que personne à transmettre le savoir. Comme le dit le proverbe, les paroles s’envolent et les écrits restent.

 

Ce n’est pas par hasard que l’apprentissage de la lecture tient une place capitale à l’école. Quoi de plus émouvant pour les parents qu’écouter avec fierté leur enfant de 6 ans s’appliquer à déchiffrer les mots qui vont lui ouvrir les portes d’un monde nouveau pour lui ? et pour lui donner le goût de la lecture, comment faire ? une suggestion : pendant le moment d’intimité que le père ou la mère partage avec son enfant en lui lisant le soir un conte ou une petite histoire avant qu’il ne s’endorme, on peut s’arrêter avant le dénouement, en proposant à l’enfant, maintenant qu’il est grand et qu’il a appris à lire, de continuer la lecture tout seul le lendemain matin par exemple. Ainsi il connaîtra la fin de l’histoire sans avoir à attendre le soir. Piquer la curiosité n’a jamais fait de mal à personne. Au contraire, cela fait avancer à grands pas dans la vie. »

 

Mais à quoi tout cela servirait-il si ensuite les livres n’étaient pas édités puis vendus ? Alors, si les libraires n’ont pas attendu Amazon pour nous en offrir, en cette période difficile, pensons à eux, soutenons-les et sauvons-les du naufrage qu’ils vivent actuellement, comme on voudrait sauver un chef-d’œuvre en péril.

 

 

Yvonne BEAUME.

MÈSA, lo 20 de NOVEMBRE de 2020.