AITAL VA LO MOND

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA

 

Cada jorn, totes los mèdias reunits nos desliuran lor lòt (lo meteis) d’informacions.

 

De còps nos espaventan o nos rendon tristes, autres còps nos daissan indiferents, e ne profecham per préner un pauc de distància. E i a de jorns ont çò qu’entendèm nos regaudís. Ieu apèli aquò de bofigas.

 

La darrièra, ausida dins l’encastre del desclavament de las mesures del confinhament numèro dos, m’a fa soscar e rire : la messa serà autorizada per 30 personas a l’encòp e pas mai ! Que la messa siá dicha dins una catedrala o dins la capèla des Penitents de Mèsa ?

 

Bon coratge al capelan de Mèsa... e d’endacòm mai per triar sas oelhas. Dintraràn dins la glèisa solament los trenta primièrs, o coma dins l’Evangèli, los darrièrs seron los primièrs ? Demai, el que sap un fum de causas sus sos fidèls, benlèu causirà los mai meritoses. Per exemple : tu, qu’as trompat ta femna, te vòli pas dins ma glèisa, e tu, t’ai pas vist a la messa dempuèi las darrièras Pascas e venes uèi qu’avèm pas fòrças plaças ? E quand ne serà a comptar…27, 28, 29, 30. Basta ! se la 31^ena es la femna del trenten aurà pas que de tornar a son ostal faire bolhir lo topin.

 

Se aquela mesura es pas una gròssa bofiga, ieu soi lo Papa.

 

Autra perleta ausida dins una discutida a la ràdio : un païsan a decidit de se metre al bio. Aquò fa plaser d’entendre, e aquel òme es onèst que s’es cregut obligat d’apondre, lo mai naturalament del mond, que quand fasiá d’agricultura tradicionala, manjava pas los produches que vendiá ¡ Autentic. Quane topet !  Val mai entendre aquò que d’èstre sord... De tot biais, se i a de jorns ont l’actualitat fa rire, de còps risèm pas que d'una gauta.

 

Aital va lo mond.

 

AINSI VA LE MONDE.

Chaque jour, tous les médias réunis nous délivrent leur lot (le même) d’informations.

 

Parfois ils nous effraient ou nous rendent tristes, d’autres fois ils nous laissent indifférents, et on en profite pour prendre un peu de recul. Et il y a des jours où ce qu’on entend nous réjouit. Moi j’appelle ça une bulle.

 

La dernière, entendue dans le cadre du desserrement des mesures de confinement n° deux, m’a fait réfléchir et rire : la messe sera autorisée pour 30 personnes à la fois et pas plus ! Que la messe soit dite dans une cathédrale ou dans la chapelle des Pénitents de Mèze ?

 

Bon courage au curé de Mèze…et d’ailleurs pour trier leurs ouailles. Entreront dans l’église seulement les 30 premiers, ou comme dans l’Evangile, les derniers seront les premiers ? De plus, lui qui sait beaucoup de choses sur ses fidèles, peut-être choisira-t-il les plus méritants. Par exemple : Toi, qui as trompé ta femme, je te veux pas dans mon église, et toi, je t’ai pas vu à la messe depuis les dernières Pâques, et tu viens aujourd’hui qu’on n’a pas beaucoup de places ? Et quand il en sera à compter…27, 28, 29, 30. Stop ! si la 31^ième est la femme du 30^ème, elle n’aura qu’à retourner à sa maison faire bouillir la marmite.

Si cette mesure n’est pas une grosse bulle, moi je suis le Pape.

 

Autre petite perle entendue dans une conversation à la radio : un paysan a décidé de se mettre au bio. Cela fait plaisir à entendre, et cet homme est honnête, car il s’est crû obligé d’ajouter, le plus naturellement du monde, que quand il faisait de l’agriculture traditionnelle, il ne mangeait pas les produits qu’il vendait. Authentique. Quel culot ! Il vaut mieux entendre ça que d’être sourd… En tout cas, s’il y a des jours où l’actualité fait rire, parfois elle fait rire jaune.

 

Ainsi va le monde.

 

Yvonne BEAUME.

MÈSA LO 30 de NOVEMBRE de 2020