Correguda del combatent

 L’UÒLH DEL BUÒU LA BILHETA DE L’IVONA DEL CERCLE OCCITAN DE MÈSA

Cal saupre que la correguda del combatent es pas quicòm de reservat als soldats.

A mens d’èstre sord e avugle, podèm pas ignorar que se cal faire vaccinar. Vac-ci-natz-vos ! Òm nos ditz qu’es lo sol biais per sortir de l’androna del coronavirus. Se o dison !

Alara, s'avètz ensajat coma tot lo mond d’obténer un rendètz-vos per vos anar faire traucar la pèl, solide que serètz de mon vejaire.

En picant sus lo vòstre ordinator « Doctolib », se sètz pas tròp nul en informatica, tanplan avètz descrocat un rendètz-vos per lèu. Quana chança ! Seriái de vos, m’enanariái crompar una bilheta de lotariá.

Mas s'avètz ensajat de telefonar, es aquí que la correguda del combatent comença  : Dring !  la votz d’un aimable fantauma vos ditz : «  en rason d’un fum d’apèls, podèm pas bailar une seguida a la vòstra demanda. Rapelatz ulteriorament ». Dos o tres còps dins la jornada, es çò mème.

Lo subrendeman, victòria, qualqu’un respond : « quant avètz d'atge ? a ! lo vaccin qu’avèm es pas per vos. Rapelatz dins qualques temps ».

Mentretant, a la ràdio e la television, tot juste s'òm vos ditz pas : « E ben de qu’esperatz per vos faire vaccinar ? ».

Tè! aga quane rat, que i aguèsse de vaccins !

Çò melhor es d’ensajar un autre numèro de telefòn, per veire. « Escoti ? Non prenèm pas sus lista d’espèra. Mas anam préner vòstre  nom e tot aquò, e quora aurem d’informacions, mancarem pas de vos sonar ». Dos, tres, quinze jorns, ges de novèlas.

A la ràdio e a la television, venon de dire que los medecins o pòdon faire. Còsta pas res de telefonar. Aquì, lo fantauma vos ditz de sa votz suava : « totas las linhas de vòstre correspondent son ocupadas. Rapelatz ulteriorament » . Un còp, dos còps, eca. E se i anavi d'a pè, aquò me farà de ben als nèrvis que començon seriosament a se nosar. E vos entendètz dire per la secretària que sètz tròp vièlha. Nos arestam a 74 ans. Sens comptar que tre lendeman, los metges an degut anullar de rendètz-vos, que « en naut » an decidit que serián pas aprobesits en vaccins coma previst pendent qualques temps. Bon !

E totjorn a la ràdio e a la television contunhan de repapiar que se cal faire vac-ci-nar ! Mas i a de nòu. Los apoticaires lo pòdon far. A ! ont es passat lo telefonet ? Cercar lo numèro del mieu apoticaire : « Escoti ! per lo vaccin. Ò ! n’aurem. Es promés. Non, coneissèm pas encara la marca, mas n’aurem. Non, sètz pas tròp vièlha, a condicion de pas aver de contra indicacion, aquò serà possible. Mas vos ai pas dich, cal esperar un bon desenat de jorns. Puèi, vos apelarem a vòstre torn ». Mercé plan.

Òm pot pas dire que las causas avançan pas, mas a quin anar.  Quand lo vaccin finirà per arribar se sèm pas mòrts, òm se poirà estimar aüroses.

Se caliá tirar una leiçon d’aquel afar, benlèu seriá de se remembrar dins l’avenidor, que nos cal arrestar de dependre per tot o quasi tot d’autres païses, que lo mond i son pagats en moneda de monin pendent que d’autres amassan de fortunas.

Mas qual es aquel que diguèt : « Français vous avez la mémoire courte ! ». Ieu o sabi, mas vos o dirai pas. Na !

Ivona BEAUME.

Mèsa, lo 15 de mars de 2021.

 

P.S. Darrièra minuta : la vaccinacion per l’AstraZeneca, lo vaccin qu’èra disponible, ven d’èstre suspenduda, coma dins qualques autres païses.

 P.S2 Darrièra segonda : la vaccinacion per l’AstraZeneca ven de repréner !

Ten ! en esperant, ieu me'n tòrni dins ma bauma per escotar de musica regaudissenta.

 

 PARCOURS DU COMBATTANT.

Il faut savoir que le parcours du combattant n’est pas quelque chose réservé aux soldats.

A moins d’être sourd et aveugle, on ne peut pas ignorer qu’il faut se faire vacciner. Vac-ci-nez-vous ! On nous dit que c’est la seule façon de sortir de l’impasse du coronavirus. S’ils le disent !

Alors, si vous avez essayé, comme tout le monde d’obtenir un rendez-vous pour aller vous faire trouer la peau, vous serez sûrement de mon avis.

En tapant sur votre ordinateur « Doctolib », si vous n’êtes pas trop nul en informatique, peut-être avez-vous décroché un rendez-vous pour bientôt. Quelle chance ! Si j’étais vous, je m’en irais acheter un billet de loterie.

Mais si vous avez essayé de téléphoner, c’est là que le parcours du combattant commence : Dring ! la voix d’un aimable fantôme vous dit : « en raison d’un grand nombre d’appels, nous ne pouvons pas donner suite à votre demande. Veuillez rappeler ultérieurement ». Deux ou trois fois dans la journée, c’est pareil.

Le surlendemain, victoire, quelqu’un répond : quel âge avez-vous ? Ah ! le  vaccin dont nous disposons n’est pas pour vous. Rappelez dans quelques temps ».

Pendant ce temps, à la radio et à la télévision, tout juste si l’on ne vous dit pas : « Eh bien, qu’attendez-vous pour vous faire vacciner ? ».

Tiens (intraduisible), qu’il y ait des vaccins, pardi !

Le mieux est d’essayer un autre n° de téléphone pour voir : « J’écoute ? Nous ne prenons pas sur liste d’attente. Mais nous allons prendre votre nom, etc, et quand nous aurons des informations, nous ne manquerons pas de vous rappeler. Deux, trois, quinze jours, pas de nouvelles.

A la radio et à la télévision, on vient de dire que les médecins peuvent le faire. Ça ne coûte rien d’essayer. Là, le fantôme vous dit de sa voix suave : « toutes les lignes de votre correspondant sont occupées. Rappelez ultérieurement ». une fois, deux, fois, etc. Et si j’y allais à pied, cela me fera du bien aux nerfs qui commencent sérieusement à se nouer. Et vous vous entendez dire par la secrétaire que vous êtes trop vieille. Nous nous arrêtons à 74 ans. Sans compter, que dès le lendemain, les médecins ont dû annuler des rendez-vous, car « en haut », ils ont décidé que ceux-ci ne seraient pas fournis en vaccins comme prévu pendant quelques temps. Bon !

Et toujours à la radio et à la télévision, on continue de radoter qu’il faut se faire vac-ci-ner ! mais il y a du nouveau. Les pharmaciens peuvent le faire. Ah, où est passé le téléphone portable ? Chercher le n° de mon pharmacien : « J’écoute ? pour le vaccin. Oui nous en aurons. C’est promis. Non, nous ne connaissons pas encore la marque, mais nous en aurons. Non vous n’êtes pas trop vieille, à condition de ne pas avoir de contre indication, cela sera possible. Mais je ne vous ai pas dit, il faut attendre une bonne dizaine de jours. Puis nous vous appellerons à votre tour ». Merci bien.

On ne peut pas dire que les choses n’avancent pas, mais à quelle allure. Quand le vaccin finira par arriver, si nous ne sommes pas morts, nous pourrons nous estimer heureux.

S’il fallait tirer une leçon de cette affaire, peut-être ce serait de se rappeler à l’avenir qu’il faut arrêter de dépendre, pour tout ou presque, d’autres pays, où les gens sont payés en monnaie de singe pendant que d’autres amassent des fortunes.

Mais qui a dit : « Français, vous avez la mémoire courte ! ». Moi je le sais, mais je ne vous le dirai pas, na !

 

Yvonne BEAUME.

Mèze, le 15 mars 2021.

 

P..S. Dernière minute : la vaccination par l’AstraZeneca, le vaccin qui était disponible, vient d’être suspendue, comme dans quelques autres pays.

P.S2: Dernière seconde:  la vaccination par l’AstraZeneca vient de reprendre

Tiens ! en attendant, moi je retourne dans ma grotte pour écouter de la musique réjouissante.