La version « telefonet » del Diccionari General de la Lenga
Occitana (occitan estandard). La podètz assajar e utilizar sus en picant sus l'image.
Se tracta del sol diccionari important (a pauc près 47 000 intradas pel moment) disponible per l'occitan estandard, ja que totes los autres son mai o mens ligats a de variantas dialectalas. Aquesta version se pòt consultar en picant un mot siá en occitan, siá en francés, sense téner en compte los signes diacritics, çò que fa d’ela quicòm de fòrça practic. Es possible, aital fasent, d’accedir a una o a mantuna intrada en occitan correspondent a la recèrca, acompanhada de la traduccion en francés. D’autras precisions apareisson : origina del mot, data d’aparicion dins la lenga, citacions, expressions idiomaticas, etc. Cada pagina dona una maximum de dètz responsas per las diferentas accepcions e expressions ligadas a l’intrada demandada. Lo nombre de responsas es indicat en bas de pagina. Quand lo nombre excedís 10, basta de picar sus « Suivant » per retrobar los autres exemples.
Cap comentari:
Publica un comentari a l'entrada