Occitan d'internet

Dins la vida sociala, la lenga d’òc es marginaliazada per un fum d’empachas e d’interdiccions e redusida atau a una preséncia residuala. Mas internet permet aus amoroses de la lenga de recuperar una cèrta « normalitat » d’usatge. Son un fum d’accions associativas afogadas, demest aquestas doas letras electronicas que cadun pòt agantar aisidament e a gratis. Son de fonts de lenga viva. Primièr lo trabalh de l’IEO (Institut d’Estudis Occitans) d’Aude que fa un blòg e una letra quotidiana « Lo Jornalièr Audenc ». Es portat per l’extraordinari Alan Roch en tandèm amb la Mirelha Braç. S’i trapa lo calendièr dels eveniments, l’actualitat artistica, literària e tanben los ressons dau rugby a XIII qu’i son apassionats. Amai fan de suplements coma lo Quasernet de laSinsòla consacrat a l’animalum. Coma lo demon de l’escritura lo Roch l’a dins l’ase, nos balha de textes de tots registres qu’es un regal. Autre fondut de lenga, lo Domenge Caucat mena la Letra de l’IEO d’Erau. Aquesta es setmanièra e remanda tanben au blòg. Es mai illustrada, visuala, amb una amira trufandièira. Es un occitan qu’a lo riset de longa e aquò fa de ben. Lo Domenge qu’a una bona pluma sap trapar de tèxtes gostoses coma los sèus. Nòstra lenga ensenha, amusa e pivèla, atau viu a l’internet la vida dau sègle 21en.
Per se marcar : ostal.sirventes@wanadoo.fr ieoerau34@gmail.com

 
Traduction à retrouver sur Midilibre.fr