Acabat? Pas acabat?

 L’UÒLH DEL BUÒU.

LA BILHETA DE L’IVONA DEL CERCLE OCCITAN DE MÈSA.

Lo que lo poiriá dire seriá lo pus fòrt. Es verai que la COVID sembla n’aver un confle de nos rendre malaute, mas nos a ja fach lo còp, se mascarant en mudant per nos "m'as colhonat" mai. Es revenguda, se ne prenent a la joinessa, e atanben als nenons, pecaire ! Cal dire que totes aqueles avián pas agut lors dòsis de vaccin, lo cal reconéisser. Sus aquela question, cadun se farà sa pròpria religion. Per ieu, çò que se vei se pòt pas amagar.

Pel moment, aprofecham d’aquel respièch per tombar la masqueta que nos estofina, al mens dins los endreches ont es permés, encara qu’es lèu fach de s’enganar. Un còp la cal aicí, un còp la cal ailà. Creses ? non, aquò èra ièr. Uèi es endacòm mai. Cal seguir…

Acabat o pas acabat ? S’acabarà ben un jorn. Mas la COVID nos daissa un gost amargant d’aquel estranh e long periòd, qu’a donat a veire lo melhor e lo pièger de la natura umana, qu’a menat a l’apauriment de mai d’un, pendent que d’autres s’enriquesissián. Fin finala, res de novèl jos lo solelh.

Alara, acabat, pas acabat ? l’avenidor nos o dirà. En attendent, mefisem-nos de las aigas que dormisson.

 Ivona BEAUME

 

FINI, PAS FINI ? 

Celui qui pourrait le dire serait le plus fort. Il est vrai que la COVID semble en avoir assez de nous rendre malade, mais elle nous a déjà fait le coup, se déguisant en mutant pour mieux nous tromper. Elle est revenue, s’en prenant à la jeunesse et aussi aux tous petits, les pauvres ! Il faut dire que tous ceux-là n’avaient pas eu leurs doses de vaccin, il faut le reconnaître. Sur cette question, chacun se fera sa propre religion. Pour moi, ce qui se voit ne peut pas se cacher.

Pour le moment, profitons de ce répit pour tomber le masque qui nous étouffe, au moins dans les endroits où c’est permis, encore qu’il est facile de se tromper. Une fois il le faut ici, une fois il le faut là. Tu crois ? non, ça c’était hier. Il faut suivre…

Fini ou pas fini ? Ça finira bien un jour. Mais la COVID nous laisse un goût amer de cette étrange et longue période, qui a donné à voir le meilleur et le pire de la nature Humaine, qui a conduit à l’appauvrissement de plus d’un, pendant que d’autres s’enrichissaient. En somme rien de nouveau sous le soleil.

Alors, fini, pas fini ? l’avenir nous le dira. En attendant, méfions-nous des eaux dormantes.