Amassada generala de l'IEO34

 D'unes se desencusèron (o sabèm que setembre es quichat entre fièiras a las assos, jornada dau patrimòni e vendémias mas nos mancàvetz tant talament ...) e d'autres se marquèron ja.

Mercé d'o faire au puslèu per retorn de mèl o sonada telefonica que nos cau saupre quant serem per lo recapte.

Pichon cambiament que me fa dire la cosinièira, servirà de fricòt d'escobilhas d'aquí en luòc de rogalh d'alai.

Rai.

Quichaclau per se marcar dimars 7, mièjanuòch.

Venètz nombroses.

 

     AMASSADA  GENERALA  DE  2021

   Convocacion-Convidacion

 Los aderents (e amics) de la seccion d'Erau de l'Institut d'Estudis Occitans ( IEO 34 ) son convocats e convidats a l'amassada generala de l'associacion per 2021 que se tendrà aqueste an en presencial dins lo respècte de las mesuras sanitàrias…

lo dimenge 12 de setembre de 2021

 

a GABIAN (34) dins la Sala Municipala de las Fèstas

segon l'orari seguent :

 

a partir de 9 oras 30  acuèlh dels participants

 

10 oras      obertura de l'amassada

 

10 oras – 10 oras 30   presentacion e vòte dels rapòrts moral, d'activitat  e financièr

 

10 oras 30 – 11 oras 15   paraula als representants dels cercles e associacions

 

11 oras 15 -  12 oras 30   paraula als aderents

                                        

12 oras 30  recepcion de las personalitats

                   vin d'onor

Seguida  de la Jornada

1 ora  dinnar e còp de maissa alestit per la còla de Gabian

-        Escudèla de tapas ( Tapas pas tarat te taparà…)

-        Fricòt d'escobilhas (Lo fricòt es cuòch quand les carottes sont cuites !)

-        Sietona dels 3 formatges (Cau èsser segur d’aver las tripas caudas…)

-        Tarta a la figa (Saique de figas d’una autra banasta.)

Vins dau Mas Ferchat e cafè. (I a mai de cançons dins un veire de vin que dins tota l'aiga d'Erau. E RAU!!)

Prètz 25 €.  Se cal  marcar abans lo 7 de setembre. Se pagarà del temps del repais

 

2 oras 30 - 3 oras  Animacions  (Presentacion dels darrièrs libres que sortiguèrem aqueste estiu per sos autors)  e Passejada digestiva a la fònt de l’òli (o, e) al camin dels molins

 

IMPORTANT: Se marcar pel repais  abans lo 7 de setembre mièja-nuòch au prèp de Domenge ieoerau34@gmail.com    Tel :  06 65 17 40 85 

Se que non manjaretz pas que de regardèlas.