FIGAS DE BARBARIÁ E VINHAS.

   L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

♫ Omenatge a G. BRASSENS.

Coblet n° 8 de la Suplica.

 

Deferéncia gardada envèrs PauValery,

Ieu l’umil trobador, sus el pòdi encarir,

Lo bon mèstre me lo perdone,

E qu’al mens se sos vèrses valon mai que los mieus,

Mon cementèri siague pus marin que lo sieu,

E ne desplaga a l’autòctona.

              §§§§§§§§§§

 

FIGAS DE BARBARIÁ E  VINHAS.

Se nòstres grands sortissián d’un trauc, serián desvariats de veire de figuièrs d'Africa e d’« aloè vèra » al mitan de lors vinhas de FITOR, dins Aude.

 Saique, pensarián que lors eretièrs son venguts calucs. Quina misèria ! Sacrificar de socas de las bèlas, que produsián caduna un plen farrat de vendémias de rasim !

Son estadas derrabadas per plantar aquel daquòs plen d’espinas, que sa plaça es pas aicí, mas dins lo desèrt.

Ont que siagan, nòstres grands pòdon pas saupre que per nòstre bestitge, e benlèu un pauc per de que la planeta a sovent fach farlanda dempuèi qu’existís sens qu'i faga mestièr la nòstra ajuda, los viticultors son menats a cercar de solucions per salvar lor espleitacion del rescaufament climatic.

E se las socas mancantas (las que, joines, aimàvem talament que las sonàvem de « dimenges »), faguèron plaça als figuièrs de Barbariá e aloè vèra, es en causa las secadas que las tuguèron.

Aqueles fruches son emplegats per faire d’òli, mai que mai de beutat, per vosautras, Dametas, quand las regas de vòstras rafiduras se veson un pauc tròp a vòstre gost.

D’evidéncia, d'ont mai i aurà d’òli, d'ont mens i aurà de vin de FITOR. Es plan de plànher, qu’aquel, subretot lo roge se marida dins una bèla armonia amb de gibièrs, de carns, de volalhas, de bons caçolets, de formatges de caractèr…

Pasmens, cal saludar l’ardidesa dels vinhairons de Fitor, que ja, per lors experiéncias, saupèron descrocar la primièra apelacion AOC de LENGADÒC, per lor vin roge. Lor experiéncia de cultura nòva foguèsse una capitada, alara seriá transformada a granda escala. De camps entièrs de figuièrs de Barbariá e d’aloè vèra seriàn plantats.

Mas ieu, que soi del genre « Ardit ! fugissèm ! », vau esperar que lors experiéncias siagan pro afinadas.

Baste que los valents vinhairons aguèsson l’èime d’espaçar doas culturas tan diferentas, que voldriái pas, en causa lo vent mabol qu’atravèrsa la region, me trobar amb d’espinas de figas de Barbariá (las plan nommadas), en travèrs la gargamèla, pendent que me congosti d’un fabulós Fitor.

Ivona BEAUME

Mèsa lo 23 d'OCTÒBRE de 2021.

 

L’ŒIL DU BŒUF

LE BILLET D’YVONNE DU CERCLE OCCITAN DE MEZE.

♫ Hommage à G. BRASSENS.

Couplet n° 8 de la Supplique.

 

Déférence gardée envers Paul Valery,

Moi l’humble troubadour, sur lui je renchéris,

Le bon maître me le pardonne,

Et qu’au moins si ses vers valent mieux que les miens,

Mon cimetière soit plus marin que le sien,

Et n’en déplaise aux autochtones.

            §§§§§§§§§

FIGUES DE BARBARIE ET VIGNES.

Si nos aïeuls sortaient d’un trou, ils seraient troublés de voir des figuiers de Barbarie et de l’« aloe vera » au milieu de leurs vignes de FITOU dans l’Aude.

Peut-être penseraient-ils que leurs héritiers sont devenus fous. Quelle misère ! Sacrifier de belles souches, qui produisaient chacune un plein seau de vendanges de raisin !

 Elles ont été arrachées pour planter ces choses pleines d’épines, dont la place n’est pas ici, mais dans le désert.

Où qu’ils soient, nos aïeuls ne peuvent pas savoir que par notre bêtise, et peut-être un peu parce-que la planète a souvent fait des siennes depuis qu’elle existe sans avoir besoin de notre aide, les viticulteurs sont conduits à rechercher des solutions pour sauver leur exploitation du réchauffement clmatique.

Et si les souches manquantes (celles que, jeunes nous aimions tant que nous les appelions des « dimanches »), ont fait place aux figuiers de Barbarie et à l’aloe vera, c’est à cause des sècheresses qui les ont tuées.

Ces fruits sont utilisés pour faire de l’huile, en particulier de beauté, pour vous, mes Damettes, quand les sillons de vos rides se voient un peu trop à votre goût.

A l’évidence, plus il y aura d’huile, moins il y aura de vin de FITOU. C’est bien regrettable, car celui-ci se marie dans une belle harmonie avec des gibiers, des viandes, des volailles, des bons cassoulets, des fromages de caractère…

Pourtant, il faut saluer la hardiesse des vignerons de Fitou, car déjà par leurs expériences, ils avaient su décrocher la première appellation AOC du LANGUERDOC, pour leur vin rouge. Si leur expérience de nouvelle culture s’avère réussie, alors elle sera transformée à grande échelle. Des champs entiers de figuiers de Barbarie et d’aloe vera seront plantés.

Mais moi, qui suis du genre « courage ! fuyons ! », je vais attendre que leurs expériences soient bien rodées.

Pourvu que les valeureux vignerons aient le bon sens d’espacer des cultures aussi différentes, car je ne voudrais pas, à cause du vent fou qui traverse la région, me retrouver avec des épines de figues de Barbarie (les bien nommées), en travers du gosier, pendant que je me délecte d’un fabuleux Fitou.

Yvonne BEAUME.

Mèze le  23 OCTOBRE 2021.