En penda doça

 

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

 

Amics lectors,

En aquela debuta d’annada, vos vòli mercejar per vòstres encoratjaments, ràport a mas cronicas, e mercejar l’IEO e lo Domenge, que me daissan una plaça dins lor blòg. A lor iniciativa, las bilhetas son totjorn acompanhadas d’una fòtó o d’un dessenh plan sentits e plan a prepaus per atirar l’uòlh .

Vos desiri una bona annada e una bona santat per 2022 per vosautres e vòstras familhas, e s'encontratz l’Intrús que nos poirit la vida fa ja dos ans, cambiatz de trepador lèu lèu…

              Coratge e Santat !

              §§§§§§§§§

Omenatje a G. BRASSENS.

10^en coblet de la Suplica.

 

Seriá tròp demandar, sus mon pichòt mocin

Plantatz, ieu vos ne prègue una mena de pin,

Pin pinhon de preferéncia

Que sauprá premunir contra l’insolacion,

Los bons amics venguts far sus ma concession

Una afectuosa reveréncia.

              §§§§§§§§§

           En penda doça

I a de còps qu’abans de parlar als autres, nos parlam per se :

- De que t’arriba per te rebalar entau ? De qu’as fach per n’èstre aquí ?

Començas per te questionar :

-       Te siás crebada ?

-       Non pas tròp, e per de qué la quítia tèsta a de mau de seguir ?

De fial en cordura, n’arribas a la question qu’aviás pas enveja de te pausar : quant as d’atge ? Ai !

Aquí comprenes qu’es pas besonh de cercar mai. Aquel afetgiment se sonariá pas la Vielhesa ? Sembla qu’as fotut un pè dedins. Te dises que, per astre, n’avèm pas que dos…

Aquela limpada es pas brutala, non ! Se fa doçamenet, en penda doça, per daissar lo temps de s’i abituar, de compréner que dins la vida i a un temps per tot.

Pasmens, se cal rasonar per contunhar sa vida, a pichòts passes benlèu, mas contunhar, fins al bot, se disent que tot lo mond a pas l’escasença de poder i assistir a sa vielhesa.

Contunhar de veire créisser sa familha, pausar un poton sus la gauta rebombida d’un nenon, se fasent la promessa de se plan gardar per aver lo temps d’i legar son istòria familiala ; li racontar qualques galejadas d’en çò nòstre, just per lo plaser d’entendre son rire tot nòu e tot flan-flan.

Alara, òm se pòt dire : aquò te devriá reviscolar. Anem ! es coma s'èras al fons del trempador, e que sol un còp de ren rabiós te fariá tornar montar, lentament benlèu, mas segurament… la còsta regda.

                Lo cal.

Ivona BEAUME.

Mèsa lo 31 de decembre de 2021.

 

L’ŒIL DU BŒUF

LE BILLET D’YVONNE DU CERCLE OCCITAN DE MEZE.

Amis lecteurs,

En ce début d’année, je veux vous remercier pour vos encouragements relatifs à mes chroniques, et remercier l’IEO et Domenge, qui me laissent une place dans leur blog. A leur initiative, les billets sont toujours accompagnés d’une photo ou d’un dessin bien sentis et bien à propos pour attirer l’œil.

Je vous souhaite une bonne année et une bonne santé pour 2022, pour vous et pour vos familles, et si vous rencontrez l’Intrus, changez vite de trottoir…           

         Courage e Santé !

              §§§§§§§§§

Hommage à G. BRASSENS.

10^ème couplet de la Supplique.

 

Est-ce trop demander sur mon petit lopin

Plantez je vous en prie, une espèce de pin,

Pin parasol de préférence,

Qui saura prémunir contre l’insolation,

Les bons amis venus faire sur ma concession,

D’affectueuses révérences.

             §§§§§§§§§

         En pente douce

Parfois, avant de parler aux autres, on se parle à soi-même :

-Qu’est-ce qu’il t’arrive pour te traîner comme ça ?  Qu’as-tu fait pour en être là ?

Tu commences par t’interroger :

-       Tu t’es fatiguée ?

-       Non pas trop, et pourquoi même la tête a du mal à suivre ?

De fil en aiguille, tu en arrives à te poser la question que tu n’avais pas envie de te poser : quel es ton âge ? Aïe !

Là tu comprends qu’il n’est pas utile de chercher plus. Ce glissement ne s’appellerait-il pas la Vieillesse ? On dirait que tu as mis un pied dedans. Tu te dis que par chance, nous n’en avons que deux…

Ce glissement n’est pas brutal, non ! Il se fait tout doucement, en pente douce, pour laisser le temps de s’y habituer, de comprendre que dans la vie, il y a un temps pour tout.

Pourtant, il faut se raisonner, continuer sa vie, à petits pas peut-être, mais continuer, jusqu'au bout, en se disant qu’il n’est pas donné à tout le monde d’assister à sa vieillesse.

Continuer de voir s’agrandir sa famille, poser un baiser sur la joue dodue d’un bébé, en se faisant la promesse de se bien garder, pour avoir le temps de lui léguer son histoire familiale ; lui raconter quelques blagues bien de chez nous, juste pour le plaisir d’entendre son rire tout neuf et tout clinquant.

Alors, on peut se dire : cela devrait te revigorer. Allons ! c’est comme si tu étais au fond de la piscine et que seul un coup de rein rageur pouvait te faire remonter, lentement peut-être, mais sûrement…la côte raide.

                Il le faut.

 

Yvonne BEAUME.

Mèze, le 31 décembre 2021.