Dins un partenariat renforçat amb la comuna, Juvinhac occitan vos convida a son primièr cafè occitan:
Dimècres 16 de març a partir de 19h a la Sala Jean Louis Herrault,
De La Campana de Magalouna, jornau popular de Montpelhièr au Montamametas, o una temptativa d’esperlongar au sègle XXI l’èime clapassièr portat per lo jornau.
La Campana de Magalouna èra un jornau que tindèt en clara lenga d’òc pendent 41 annadas. Mai de 80 ans après que son cant se siaguèsse escantit, basta d’evocar en lengadòc bas lo jornalet clapassièr per veire espelir risolets sus las bocas e beluguetas dins los uòlhs. Son sovenir, encara viu, es aimable e agradiu per nos daissar entendre que los Campaniès avián capitat, eles, per repréner lo vèrs famós de Mistral, « de cantar per lei pastres e gènts dei mas » o puslèu dels masets e per lo pòble menut de sa vila.
A partir d’una presentacion dau jornau, aprèp nos èsser meses a l’escota de l’Escotaire son grand campanièr e de sos 600 collaborators d’un còp èra, de l’èime que portavan, ensajarem de veire se uòi, a travèrs l’escritura d’un libròt de galejadas, La gèsta dau Montamametas, l’aventura campanièira se pòt esperlongar au sègle XXI.
e, coma de costuma, sopar partejat: "Venètz e portatz".
Quau de beure, quau de manjar, quau de dire...
en cas de quicòm, Francesa : 06 85 78 18 42
Cap comentari:
Publica un comentari a l'entrada