L'escòla pecaire !

L'escòla es fòrça criticada dau temps qu'es plan marginalizada per las tecnicas e las familhas.

Si, si, i a plan de parlamentaris que trabalhon. D'unes montèron una còla transpartisana que s'afanèt a una proposicion de lei a partir d'un estudi plan instructiu. Avisatz-vos brave monde que cada annada los dròlles de 3 a 10 ans passan una mejana de 728 oras dabans un ecran, e un tèrç d’aqueles que i manjan tanben. Aquesta chifra es de comparar amb las 864 oras dau temps escolari annadièr. Orari escolar maximum sens ges d'abséncia e que caup los temps escolars « neutralizats » d'abans las vacanças. Pecaire, amb la modernitat fatala que fa pujar lo temps d'ecran, auràn lèu-lèu mai de temps pegats a l'ecran que de temps escolari. Amb aquò l'escòla es de longa repotegada e escridassada que fa pas son trabalh, qu'es ela la responsabla e a l'origina dau mau tot. Es una brava muòla l'escòla, e serà d'autant mai criticada que son influéncia serà apichonida. Coma disiá un amic, lo progrès progrèssa e l'avenidor s'inquièta. Fa quauques jorns lo grand pedagòg Felip Meirieu faguèt una conferéncia a l'iniciativa de la Calandreta dau Clapàs. Demest d'autres subjèctes diguèt que ecrans e telecomandas son d'espleches de l'immediatietat qu’afortisson, pel dròlle, lo sentit de tota poténcia. Aquò es lo perfiech contrari dau trabalh de l'escòla qu'es a l’encòp paciéncia e presa de temps per aprene.

 

 L’ECOLE  PEUCHERE !

L’école est très critiquée alors qu’elle est nettement marginalisée par les techniques et les familles. 

Si, si, il y a bien des parlementaires qui travaillent. Quelques uns ont organisé une équipe transpartisane qui s’est employée à une proposition de loi à partir d’une étude qui est tout à fait instructive. Figurez vous brave gens que chaque année les enfants de 3 à 10 ans passent une moyenne de 728 heures devant un écran, e qu’un tiers d’entre-eux y mangent également. Ce chiffre est à comparer avec les 864 heures du temps scolaire annuel. Horaire scolaire maximum sans aucune absence  et qui contient aussi les temps « neutralisés » d’avant les vacances. Peuchère, avec la modernité fatale qui fait monter le temps d’écran, ils auront très vite plus de temps collés à l’écran que de temps scolaire. Avec cela l’école est tout le temps critiquée et villipendée car elle ne fait pas son travail, et qu’elle est la responsable de tous nos maux. C’est une brave mule l’école, et elle sera d’autant plus critiquée que son influence sera réduite. Comme le disait un ami, le progres progresse et l’avenir s’inquiète. Il y a quelques jours le grand pédagogue Philippe Meirieu fit une conférence à l’inititative de la Calandreta dau Clapas. Parmi d’autres sujets il indica que les écrans et la télécomande sont des outils de l’immédiateté et qu’ils renforcent pour l’enfant le sentiment de toute puissance. Et aussi que cela est l’exact contraire du travail de l’école qui est à la fois patience et prendre du temps pour apprendre.