TALHIÈR DE COSINA.

L’UÒLH DE LA MERLUÇA DEL BUÒU

LA BILHETA DE L’IVONA DEL CERCLE OCCITAN DE  MÈSA.

 

Quane bonaür de se retrobar per un talhièr de cosina !

Pendent longtemps, aquela activitat del Cercle occitan de Mèsa foguèt interrompuda per causa de Coronavirus.

Uèi es un vertadièr plaser de partejar la merluça d’après la recèpta de Carmen. Òc, es plan la Carmen qu’ausissètz se sètz de fidèls auditors de França Blau Erau, la Carmen que fa conéisser de recèptas de son país catalan.

Es donc jos sa bagueta que se debanan las operacions. Naturalament, la merluça es acomodada a la mòda catalana, amb de ceses, de trufas e lo suquet dont a lo secrèt.

En efèit, se lo talhièr de cosina a per tradicion de mitonar de mangiscas d’en cò nòstre, coma lo caçolet, los muscles farcits, la macaronada, de cacilha…es totjorn restat dobèrt a la cosina d’autres regions e mai d’autres païses, coma Espanha, Itàlia, Grècia, Russia…

Segon lo saupre-far dels participants, a cada talhièr, se causís la recèpta del còp d’après, sens doblidar l’intrada e lo dessèrt. Aquí ges de polemicas. Per se regalar, sèm totjorn d’acòrdi. E per tot recaptar, far lo trabalh que se ne seguís, coma la terralha d’aquelas gamelassas e la remesa en estat dels luòcs, mancam pas de braces.

Dins la matinada, trapam mèmes lo temps d’escriure las recèptas en occitan ; un dels projèctes del Cercle es de ne faire una edicion. Ne tornarem parlar quora ne serà vengut lo moment.

Tot aquò se passa dins la bona umor. De còps una galejada giscla a travèrs las parets, seguida de cacalasses, mas gardant totjorn un uòlh (de buòu) sus lo plat qu’es a se coire.

Lo repais debuta reliogiosament per lo “Benedicité” desgrunat per lo Jaumet :

« Sèm pro per manjar çò qu’avèm,

E se qualqu’un mai vòl venir,

Que se còpe la camba pel camin,

Levat se pòrta una botelha de vin. Amen ».

Lo repais s’acaba naturalament en gaietat e en cançons, que tenèm un repertòri ric de las cançons occitanas, e sobretot qualques bèlas voses per nos encantar.

♫ Se canta, que cante….

 

Ivona BEAUME.

Mèsa le 19 de marçs de 2022.

 

L’ŒIL DU BŒUF

L’ATELIER DE CUISINE DU CERCLE OCCITAN DE MÈSA.

       ATELIER DE CUISINE.

 

Quel bonheur de se retrouver pour un atelier de cuisine !

Pendant longtemps, cette activité du Cercle occitan de Mèze a été interrompue pour cause de Coronavirus.

Aujourd’hui c’est un vrai plaisir de partager la morue d’après la recette de Carmen. Oui, c’est bien la Carmen que vous connaissez si vous êtes de fidèles auditeurs de France Bleu Hérault, la Carmen qui fait connaître des recettes de son pays catalan.

C’est donc sous sa baguette que se déroulent les opérations. Naturellement, la morue est accommodée à la sauce catalane, avec des pois-chiches, des pommes de terre, et le « suquet » dont elle a le secret.

En effet, si l’atelier de cuisine a pour tradition de préparer des mets de chez nous, comme le cassoulet, les moules farcies, la macaronade, des gibiers…il est toujours resté ouvert à la cuisine d’autres régions, et même d’autres pays, comme Espagne, Italie, Grèce, Russie…

Selon le savoir-faire des participants, à chaque atelier l’on choisit la recette de la fois d’après, sans oublier l’entrée et le dessert. Là pas de polémiques. Pour se régaler, nous sommes toujours d’accord. Et pour tout ranger, accomplir le travail qui s’ensuit, comme la vaisselle des grosses gamelles et la remise en état des lieux, on ne manque pas de bras.

Dans la matinée, nous trouvons même le temps d’écrire les recettes en occitan ; un des projets du Cercle est d’en faire une édition. Nous en reparlerons le moment venu.

Tout cela se passe dans la bonne humeur. Parfois, une plaisanterie fuse à travers les murs, suivie d’éclats de rire, mais toujours gardant un œil (de bœuf) sur le plat qui est en train de cuire.

Le repas débute religieusement par le « Bénédicité » égrainé par Jaumet :

« Nous sommes assez nombreux pour manger ce que nous avons,

Et si quelqu’un veut venir, qu’il se casse la jambe en chemin,

Sauf s’il amène une bouteille de vin . Amen ».

Le repas s’achève naturellement en gaîté et en chansons, car nous avons un répertoire riche de chansons occitanes, et surtout quelques belles voix pour nous enchanter.

♫ Se canta, que cante…

 

Yvonne BEAUME.

Mèze le 19 mars 2022.