LO, O LA LEAN

L‘UÒLH DEL BUÒU

LA BILHETA DE L’IVONA DEL CERCLE OCCITAN DE MÊSA.

Aquò es un present que nos vendriá de nòstres cosins d’AMERICA e qu’es estat inventat al JAPON dins las annadas 1950. Òm pòt pas dire que n’entendèm parlar cada jorn per los mèdias generalistas. Aiman mai tornar dire çò que lor vesin ven de dire de larga e del long ; e cada còp, n’i a au mens per tres jorns.

Donc per parlar de quicòm mai, lo o la lean es una combina que dins la entrepresas que lo practican, associa salariats, còlas de produccion, clients…dins una mena de consensus. Entau, en cas de problèma, tot lo mond es responsable, amai los qu’an cap de poder de decision.

La tòca es d’aumentar la rentabilitat en baissant los còstes de produccion. Cal tracar lo mendre degalhage, mot clau del sistèma, mas mèfi « dins lo respècte de la societat, dels fornisseires e de l’environament ».

Arriba qu’una bona idèa virèsse en una falsa bona idèa. Un exemple recent : l’entrepresa Buitoni, que fonciona en lean, a vendut de pizzas qu’aurian rendut malautes una cinquantena de consumaires, e seriá responsabla de la mòrt – òc de la mòrt – de dos enfants, victimas innocentas. Aquel afar fa l’objècte d’una enquèsta e naturalament cal daissar lo darrièr mot a la justícia. Mas per lo moment, Marcamau se passeja per l’entrepresa e per son personal. Un còp perduda, la fisança met de temps a tornar venir…quand torna.

Pasmens, fasiá un brave moment que los salariats tiravan la soneta d’alarma. La rason ? la manca d’igièna dels locals, dobrissent grand la pòrta a l’intrada massissa de la bacteria respondent al doç nom d’echerichia coli… Mas un còp de mai, son pas estats ausits. 

Alara de qué ne dire, sinon qu’en matèria d’alimentacion, lo netitge se deu d’èstre la prioritat, e cal pas mesquinejar sus los mejans. Es pas una granda descobèrta e l’aplicam cada jorn dins nòstras cosinas e dins nòstres refrigeradors.

Puèi que ne sèm a utilizar de mots angleses, benlèu seriá plan de faire rimar LEAN* amb CLEAN**, e de ne far un eslogan onèst.

La vida d’un enfant val ben al mens aquò non ?

               §§§§§§§§

*Lean : magre, sens gras, desgraissat, (coma quand n'i a un que vòlià desgraissar lo mamot…).

**Clean : cande.

             §§§§§§§§

 

P.S. Lo mot lean a un autre sens, pas pus simpatic. Es una mescla de siròp e de potingas, coma de productes codeïnats. Prescrit a l’origina per aleujar las dolors importantas, a nauta dòsi, se transforma lèu en una dròga addictiva. Dempuèi qualques annadas, fa de degalhs serioses e pòt anar fins a entraïnar la mòrt. Mas aquò es una autra istòria.

Ivona BEAUME 

Mèsa, lo 10 de mai de 2022.

 

L’ŒIL DU BŒUF

LE BILLET D’YVONNE DU CERCLE OCCITAN DE MEZE.

 

        LE, OU LA LEAN

Ceci est un cadeau qui nous viendrait de nos cousins d’AMERIQUE e qui a été inventé au JAPON dans les années 1950. On ne peut pas dire qu’on en entend parler tous les jours par les médias généralistes. Ils préfèrent répéter ce que leur voisin vient de dire en long et en large ; et chaque fois, il y en a pour au moins trois jours.

Donc, pour parler d’autre chose, le lean est une combine qui dans les entreprises qui le pratiquent, associent salariés, équipes de production, clients…dans une sorte de consensus. Ainsi en cas de problème, tout le monde est responsable, même ceux qui n’ont aucun pouvoir de décision.

Le but est d’augmenter la rentabilité en baissant les coûts de production. il faut traquer le moindre gaspillage, mot clé du système, mais attention « dans le respect de la société, des fournisseurs et de l’environnement ».

Il arrive qu’une bonne idée vire en une fausse bonne idée . Un exemple récent : l’entreprise Buitoni, qui fonctionne en lean, a vendu des pizzas qui auraient rendu malades une cinquantaine de consommateurs, et serait responsable de la mort – oui de la mort – de deux enfants, victimes innocentes. Cette affaire fait l’objet d’une enquête et naturellement, il faut laisser le dernier mot à la justice. Mais pour le moment Marque mal se promène pour l’entreprise et pour son personnel. Une fois perdue, la confiance met du temps à revenir…quand elle revient.

Pourtant cela fait un bon moment que les salariés tiraient la sonnette d’alarme. La raison ? le manque d’hygiène des locaux, cela ouvrant grand la porte à l’entrée massive de la bactérie répondant au doux noms d’echerichia coli... Mais une fois de plus, ils n’ont pas été entendus.

Alors, qu’en dire, sinon qu’en matière d’alimentation, la propreté se doit d’être la priorité, et il ne faut pas lésiner sur les moyens. Ce n’est pas une grande découverte, et nous l’appliquons tous les jours dans nos cuisines et dans nos réfrigérateurs.

Puisque nous en sommes à utiliser des mots anglais, ce serait pas mal peut-être de faire rimer LEAN* avec CLEAN** et d’en faire un slogan honnête.

La vie d’un enfant vaut bien au mois ça non ?

 

           §§§§§§§§

*Lean : maigre, sans gras, dégraissé (comme quand un certain voulait dégraisser le mammouth…).

**Clean : propre.

          §§§§§§§§

P.S. Le mot lean a un autre sens, pas plus sympathique. C’est un mélange de sirop et de médicaments, comme des produits codéinés. Prescrit à l’origine pour soulager les douleurs importantes, à haute dose, il se transforme vite en une drogue addictive. Depuis quelques années, il fait de sérieux ravages et peut aller jusqu’à entraîner la mort. Mais ceci est une autre histoire.

Yvonne BEAUME.

Mèze, le 10 mai 2022.