LA SANT MEDARD

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

           456/545 (benlèu).

Coma cada an, en aquel 8 de junh, lo mond que sont concernits per lo temps, es a dire en particular los agricultors e viticultors, en sovenença de las leiçons de lors aujòls, lèvan los uòlhs  fins al cèl :

« Se plòu per la Sant Medard, plòu 40 jorns mai tard, levat se Sant Barnabè li còpa l’èrba jos lo pè ».

Uèi, 8 de junh, lo temps es mièja-figa, mièg-rasim. D’un costat seriá pas tròp lèu que ploguèsse. Dempuèi quand avèm pas vist una vertadièra bona pluèja ?

D’un autre costat, ara est frequent que la pluèja, al luòc d’èstre doça, benfasenta, de dintrar gentilament dins la tèrra per l’abeurar, li permetre d’ajudar las culturas que n'avèm tant besonh, se met a tombar subtament. Regola a viu anar sens préner lo temps de far son òbra. Al contrari mena fòrça degalhs sus son passatge.

Alara, s'aquò deu durar 40 jorns, òm imagina la resulta ! Es terrible de voler a l’encòp la pluèja e de la voler pas.

Per astre, aqueste an, avèm pas agut besonh dels servicis de Sant Barnabè (11 de junh). Aquò va plan.

Se ne cresèm lo provèrbi, devèm aquel fenomèn a Sant Medard, que foguèt capelan, puèi evesque en l’an 530. Profèta a sas oras, devenguèt lo Sant Patron dels trabalhaires de la tèrra e dels mercands de parapluèjas.

Cal dire qu’un jorn Sant Medard s’es trobat jos un auratge dels bèlses, e foguèt mes a l’abric mercé la benvolença d’una agla que dobriguèt grand sas alas sus el.

D’aquí a dire que l’agla es la rèira del parapluèja, i a un pas que vos daissi franquir s'aquò vos agrada, e ieu me’n torni a mas pregàrias per demandar que ploguèsse…un pauqueton. D’avança mercé plan.

 

Ivona BEAUME

Mèsa, lo 8 e lo 11 de junh de 2022.

 

  

    L’ŒIL DU BŒUF

LE BILLET D’YVONNE DU CERCLE OCCITAN DE MEZE.

 

      LA SAINT MEDARD

 

          456/545 (peut-être)

 

Comme chaque année, en ce 8 juin, les gens qui sont concernés par le temps, en particulier les agriculteurs et viticulteurs, en souvenance des leçons de leurs aïeux, lèvent les yeux vers le ciel :

« S’il pleut pour la Saint-Médard, il pleut 40 jours plus tard, à moins que Saint Barnabé lui coupe l’herbe sous le pied. »

Aujourd’hui, 8 juin, le temps est mi-figue mi raisin. D’un côté ce serait bien qu’il pleuve. Depuis quand n’avons-nous pas vu une véritable bonne pluie ?

D’un autre côté, maintenant il est fréquent que la pluie, au lieu d’être douce, bienfaisante, de pénétrer gentiment dans la terre pour l’abreuver, lui permettre d’aider les cultures dont nous avons tant besoin, se met à tomber en trombe. Elle ruisselle à vive allure sans prendre le temps de faire son œuvre. Elle provoque au contraire de nombreux dégâts sur son passage. Alors si cela doit durer 40 jours, on imagine le résultat. C’est terrible de vouloir à la fois la pluie, et de ne pas la vouloir.

Par chance, cette année nous n‘avons pas eu besoin de Saint Barnabé (11 juin). Parfait.

Si l’on en croit le proverbe, nous devons ce phénomène à Saint Médard, qui fut curé, puis évêque en l’an 530. Prophète à ses heures, il est devenu le Saint Patron des travailleurs de la terre et des marchands de parapluie.

Il faut dire qu’un jour Saint Médard s’est trouvé sous un bel orage, et il fut mis à l’abri grâce à la bienveillance d’un aigle qui ouvrit grand ses ailes sur lui.

De là à dire que l’aigle est l’ancêtre du parapluie, il y a un pas que je vous laisse franchir si ça vous amuse, et moi je m’en retourne à mes prières pour demander qu’il pleuve…un petit peu. D’avance merci.

Yvonne BEAUME.

Mèze, le 8 et le 11 juin 2022.