dilluns, 8 d’octubre del 2018

L'armanac setòri



L'eveniment de pas mancar !


Lo Centre Interregionau de Documentacion Occitana (Lo CIRDOC) de Besièrs, sus demanda dau Cèucle occitan setòri, ven de numerizar e de botar sus la telaranha, siti occitanica.eu, l'Armanac cetòri

 Cada an, en genièr, de 1894 a 1913, l'Escolo de Ceto ( creada en 1894, cabiscòu Josèp Enric Castelnau), puòi l'Escòla Felibrenca de Sant Clar (fondada en 1902, president Josèp Solet), fan paréisser l' Armanac cetòri.
  Dins aqueste periòde i aurà sonque tres pausas. L'Armanac espelirà pas en 1896 (garrolhas entre Castelnau e Solet sus la rega editoriala de seguir),  en 1900 e en 1901 (mòrt dau pichòt Vinçent de Solet, en 1899).

  Pendent vint annadas, Josèp Soulet (1851-1919), autodidacte, afogat de l'òbra de Frederic Mistral, negociant en vin e alcoòl,  ten l'orjau per agradar as setòris : « es per vautres, braves setòris qu'avèm congrelhat aquela òbra ». Bota la proa sus « de galejadas, de contes, de poësias, tirats dau pòble e escriches dins nòstra armoniosa lenga miègjornala : la lenga dau breç lengadocian ».

  Lo meriti de J. Solet es d'aver fach de l'Armanac cetòri pas solament un luòc dau languiment, das reires, dau remembre, mas puslèu un luòc de l'imaginacion e de la creacion.

Los mai legits