Aqueste còp, aprèp vos aver rapelat que d’aquesta pasasa La
Semaine du Minervois sortís un dijòus sus dos, vos balham a legi- un
tèxte posat dins la letra mesadièra de l’IEO-Arièja : Òda a la pluèja.
La pluèja m'agrada.
Après un solelh de fèrre, qu'ai presat estirada coma una çarnalha sus la lausa de la paret, le cèl s’es atrumat
e cargat de brumas menaçairas. Mentre que passejaires, pastres e vesins
dintravan "de paur de la pluèja", ieu sortisquèri.
Del temps que pujavi cap al planòl, dins la forèst d'un còp tota escura, m'imaginèri cabussar dins le ventre mòlh de la tèrra. Me sentiái intrusa, indiscrèta dins aquel replec secret que se cosiá la forèst.
Les ausèls cantavan a bèla corsa coma se pressentián que dins d'abòrd l'auratge lor clavariá le bèc.
Ensajavi
de caminar sens bruch per melhor endevinar al luènh, a travèrs la
fustada escura, les secrets de l'ombra, les que s'amagan quand fa solelh
darrèr les verds dels ramatges.
A fòrça, fina e galhardeta, la pluèja comencèc de canturlejar sus mon parapluèja negre de pastre. Òc que
les compreni les pastres d'estimar melhor le parapluèja a la capeta !
El sol sap cantar las cançons celèstas que la pluèja li ensenha. A
solide que drolleta, ai aprés ritmes de jazz en escotant las claquetas
de la pluèja sus mon parapluèja.
Subtament le cèl entièr cruissisquèc dins le tarrabast de la tronada. Semals d'aiga esquicèron la fina cortina
de pluèja. En endevenent mon pas a la furor del cèl, corrisquèri per
m'abrigar jol cobèrt del pastre, ont me congostèri de totas las
brutalitats de la natura.
Le
lavassi acabat, me neguèri dins las fragàncias de terranha e de mofa
que pujavan de per tèrra e dins les aufis de verdura que davalavan de la
fulhada. Jos la musica d'una pluèja fina, davalèri cap al vilatge, les
braces cargats de flors lusentas en dançant sul pas leugèr d'una mazurcà
e en cantant Brassens e Nougaro… de segur.
Me triga l'estiu que m'escape de mon parapluèja per córrer gaireben nuda jos la pluèja…
Alina Palhèr
• LA SEMAINE DU MINERVOIS A BESOIN DE VOUS !
Chers lecteurs, les mesures de confinement nous coupent de nombreux annonceurs et nous éloignent de nombreux lecteurs.
Pour
que la Semaine du Minervois puisse traverser la crise, nous éditons le
journal une semaine sur deux ce mois de mai. (prochain numéro le 16
juillet).
Mais
nous continuons à informer et à rester au plus près du territoire.
Reportages, infos pratiques, découvertes… : retrouvez-nous en ligne et
sur les réseaux sociaux.
Faire vivre un journal régional est de nos jours un véritable défi et nous avons encore plus besoin de vous, chers lecteurs.
Offre spéciale d’abonnement : 1 euro pendant 2 mois, puis 5,50 $, soit 24 € pour 6 mois ou 57 € pour un an.
La Semaine du Minervois, 7bis, avenue d’Homps 34210-Olonzac ; semaineduminer
Cap comentari:
Publica un comentari a l'entrada