LA BILHETA DE L’IVONA DEL CERCLE OCCITAN DE MÈSA
Sens voler imitar Sa Majestat la reina d’Anglatèrra dins son discors de 1992, annada que foguèt complicada per la familha reiala, gausariái dire qu'aquela annada de 2020 pòt èstre qualificada d’òrra? La temptacion n’es granda.
Un quicòm de res de tot, un patin-patan pas res, la COVID 19 a fotut la revolucion sus la planeta tota. Per l’ora, nos a daissat un cortègi de malautes e subretot de mòrts. Degun l’a pas vist venir, e al bot d’una annada de recèrcas scientificas mondialas, naseja solament ara la fabricacion de vaccins ; e ne coneissèm ni l’eficacitat, nimai los efèctes.
L’economia dels païses es a tèrra, e a dicha de sortir l’argent d’un capèl per limitar los degalhs de l'alentiment o de l’arrèst complèt de l’activitat economica, acabarem per tocar lo fons d’aqueste capèl. E après? veirem ben.
La vida es pas tota negra o tota blanca. La crisi sanitària permetèt l’espelida d’idèas nòvas e bèlas, sovent ingeniosas per s’adaptar a la situacion. Vegèrem de gèstes de granda solidaridat, e lo mond cargat de nos sonhar se mostrèt valent tot plen e coratjós. Aquí, mèfi! Remembrem nos l'adagi que per èsser vièlh ne demòra pas mens d'actualitat: tant va la cruga a l’aiga que fin finala se copa.
Ara, cal metre nòstre espèr dins las mans dels saberuts, que venguèron al bot de milanta calamitats al fial de las espòcas.
Alara , “annus horribilis” ?
“Honi soit qui mal y pense ».*
&&&&&
*Devisa de « l'Order of the Garter o Òrdre de la Cambaliga (Ordre de la Jarretière) », que figura en francés, sus las armas del castèl de Windsòr, òrdre creat per Edouard III, en 1342, lo jorn de la fèsta de la Sant Jòrdi. En francés, es dire coma las astradas de nòstres dos païses sont ligadas dempuèi longtemps.
Yvonne BEAUME.
Mèsa, lo 20 de Decembre de 2020.
Sans vouloir parodier Sa Majesté la reine d’Angleterre dans son discours de 1992, année qui fut compliquée pour la famille royale, oserai-je dire que cette année 2020 peut-être qualifiée d’horrible ? La tentation en est grande.
Un quelque chose de rien du tout, la COVID 19, a fichu la révolution sur la planète entière. Pour l’heure, cela nous a laissé un cortège de malades et surtout de morts. Personne ne l’a vu venir, et au bout d’une année de recherches scientifiques mondiales, il se profile seulement maintenant la fabrication de vaccins ; et nous n’en connaissons ni l’efficacité, ni les effets.
L’économie des pays est à terre, et à force de sortir l’argent d’un chapeau pour limiter les dégâts du ralentissement ou de l’arrêt complet de l’activité économique, on finira bien par trouver le fond de ce chapeau. Et après ? nous verrons bien.
La vie n’est pas toute noire ou toute blanche. La crise sanitaire a permis l’éclosion d’idées neuves et belles, souvent de grande ingéniosité pour s’adapter à la situation. Nous avons vu des gestes de grande solidarité, et les personnes chargées de nous soigner se sont montrées pleines de vaillance et de courage. Là, attention ! Rappelons-nous l'adage qui pour être vieux n'en reste pas moins d'actualité: Tant va la cruche à l’eau qu’à la fin elle casse.
Maintenant, il faut mettre notre espoir entre les mains des savants, qui sont venus à bout d’un grand nombre de calamités au fil des époques.
Alors, « Annus horribilis » ?
« Honni soit qui mal y pense ».*
&&&&&
*Devise de « l’Ordre de la Jarretière », qui figure en français sur les armoiries du château de Windsor, ordre créé par Edouard III en 1342, le jour de la fête de la Saint-Georges. C ’est dire si les destinées de nos deux pays sont liées depuis longtemps.
Cap comentari:
Publica un comentari a l'entrada