PAPIERÒT MENERBÉS (in La Semaine du Minervois, 14/01/20)

 CADA JORN ES UNA FÈSTA (O PAS)

 

N’avèm pas agut pro d’una cronica per vos dire totas las jornadas mondialas e internacionalas de festejar (e encara, daissèrem de costat unas jornadas seriosas). Alara, vaquí la seguida de tot çò que podètz celebrar d’un jorn l’autre : los OVNI ; los ambulancièrs ; los jòcs vidèo ; las sèrps ; los emòjis ; los castèls ; los dalfins ; la joinessa ; las mangròvas ; lo roge pels pòts ; lo tigre ; l’amistat ; la femna africana ; l’alaitament mairal ; la frita de Belgica (lo 1èr d’agost) e la cervesa (lo 2) : aurián pogut pensar de regropar ! ; la capoèira (e pas los sauts bearneses) ; lo gat ; lo gat negre (que festeja atal 2 còps) ; la salsà (pas : las salsas) ; los corrièls ; los elefants : los esquerrièrs (pas los esquerristas !); la sèrp-volaira ; la fotografia ; los voltors ; las popas nusas (fr : topless) ; lo gos (o : lo can o lo chin…) ; la ratapenada ; lo blòg ; la barba ; las pelussas ; los programaires e devolopaires ; la qualitat de l’aire ; lo parlar coma los piratas ; lo netejatge (en fr : World Clean Up Day) ; lo patrimòni ; lo rinoceròs ; los cercaires ; las mametas e los papetas (los pepins e las meninas) ; la mar (long dels gòlfes clars)  ; las lengas ; la gastronomia ; lo torisme ; la revirada ; la musica ; lo chocolat ; l’urticari ; lo cafè ; los vièlhs ; las bèstias ; lo sorrire ; la marcha nordica ; los ensenhaires ; l’abitat e, lo meteis jorn : l’arquitectura ; la pòsta (una pèça pel factor o un burèu al vilatge ?) ; la vista ; las filhas ; l’uòu ; Cristòl Colomb (e l’uòu del Colomb !) ; l’hamburger ; lo lavar de las mans ; la femna campestrala ; los fossils (jornada diferenta de la precedenta) ; lo rastèl de l’esquina ; l’alimentacion ; lo pan (e sens pan : pas d’alimentacion) ; l’esquash ; l’estadistica ; los cosinièrs ; l’energia ; lo quequejament ; las Nacions-Unidas (qu’aurián plan de besonh de s’unir) ; lo gentum ; los parents al burèu ; la lenga romani ; la qualitat ; l’escrivan african ; los estagiaris ; los celibataris ; las referéncias geograficas ; la toleréncia ; los paures ; l’entrepreneire ; los cagadors ; l’òme ; las assistentas mairalas ; los pescaires e trabalhaires de la mar ; lo jòc-vidèo ; la sambà (mas pas las fecas) ; lo cinèma independent ; la generositat ; lo ninjà ; lo benevolat ; l’aviacion civila ; lo cant coral ; la montanha ; la musica-metal ; lo tè ; l’esperantò ; la lenga araba ; l’orgasme ; lo brocat de Nadal ; las boitas (en fr : lo boxing-day) ; …

Abordarem pas las jornadas que se fan « sens», genre pas de : telefonilhet, tabat, veitura, carn, palha, crompas, morre-de-boc, papièr, regime… que coneissèm plan tròp las jornadas sens èime !

Fin finala, una brava tièra de celebracions que vos pòdon balhar motius de reflexion e d’engatjament, mas segur qu’an doblidadas (per l’ora) las jornadas internacionalas e mondialas del freginat e de la cartagèna ! Las podèm instaurar (permanentas) al nivèl local ! E lèu, la fèsta de l’an del confinhament !

Enfestolit Roch

••• Èp-Ratum : Dins lo Papieròt publicat dimenge passat, caliá legir, de segur : « las glacièras de Pradèlas de Cabardés » !!!