Lo cranc blau

  L’UÒLH DEL BUÒU. LA BILHETA DE L’IVONA DEL CERCLE OCCITAN DE MÈSA.

♫ Omenatge a G. BRASSENS.

Coblet n° 6 de la Suplica :

Es una plaja ont, a sos moments furioses,

Neptuna se pren pas jamai tròp al seriós,

O quand un batèl fa naufragi,

Lo capitani crida : soi lo sol mèstre a bòrd,

Salva que pòt, lo vin e lo pastis d’abòrd,

Cadun sa bonbona e coratge !

            §§§§§§§§§§

        LO CRANC BLAU

Lo cranc blau es una mena de cranc, al nom scientific de « Callinectes Capidus », que vòl dire : bon nadaire gostós, de la familha dels « Portunidaes », comptant 450 espècias de crancs.

Venent d’America del nòrd e de sa còsta oèst, òm pensa que los crancs blaus viatjan dins los balastres dels batèls. Las femes pòdon pondre fins a dos milions d’uòus dins las aigas d’aqueles balastres. Se ditz que serián pas vujats e netejats pro sovent.

En 2012, los crancs blaus son vists dins lo flume Èbre, en Espanha. En 2014, òm los torna veire en Corsega. En 2017, los vaquí dins lo gòlf del Lion (al ras de PERPINHAN), dins l’estanh de CANET DE ROSSELHON. Aiman plan los estanhs ont se pòdon regalar de peisses e de cauquilhages. Es pas estonant que lor carn siá gostosa !

Amb un anar de 15 quilomètres per jorn, son lèu arribats dans nòstre estanh de TAUR, ont lo 4 setembre de 2019 n’i a un qu’es estat apercebut pel primièr còp.

En TUNISIA, aquela espècia a tant crescut que los pescaires ne faguèron comèrci amb los païses d’ASIA, per la fabricacion d’autres produches per transformacion. Aquò a un punt qu’ara se pausa la question de ne pescar pas tròp, per agotar pas la ressorsa. Sembla que s’anóncie complicat de trapar un bon equilibri.

Pel moment, pescaires e productors de cauquilhages de nòstre estanh se fan de laguis a l’idèa que los crancs blaus, qu’aiman nòstres produches tant coma los aimam nosautres, apauriscan la pesca e l’elevatge tradicional, e a l’idèa de veire lors rets abocinats.

De mai los crancs blaus pòdon èstre tan nombroses que lor venda, malgrat la finesa de lor carn, se fa a un prètz tròp bas per aduire una compensacion acceptabla. La situacion es de seguir de près.

Mas, per gardar un agach positiu sus aquela situacion alarmanta, ieu pensi qu’aquel cranc a fach tot aquel camin just per venir sarrar la pinça a son cosin, lo Cranc del cercle occitan de Massilhan, que lo convidèt a venir assistir a la setmana occitana massilhanesa.

Coma aquela s’acaba uèi, amb son grand succès abitual, esperam que lo cranc blau fague lèu mièg-torn, e poguèsse caminar drech coma tot lo mond, tanplan podriá préner sas cambas a son còl, e se’n tornar al sieu a la vitessa grand V. e li disi pas a l’an que ven !

Ivona BEAUME. Mèsa, le 8 d'octòbre de 2021.

 

♫ Hommage à G. BRASSENS.

Couplet n° 6 de la Supplique :

 

C’est une plage où, a ses moments furieux,

Neptune ne se prend jamais trop au sérieux,

Où, quand un bateau fait naufrage,

Le capitaine crie : je suis le maître à bord,

Sauve qui peut ! le vin et le pastis d’abord,

Chacun sa bonbonne et courage !

           §§§§§§§§§

LE CRABE BLEU.

Le crabe bleu est une espèce de crabe, au nom scientifique de « Callinectes Capitus », ce qui veut dire : bon nageur savoureux, de la famille des « Portunidaes », comptant 450 espèces de crabes.

Venant d’Amérique du Nord et de la côte Ouest, on pense que les crabes bleus voyagent dans les ballasts des bateaux. Les femelles peuvent pondre jusqu’à deux millions d’œufs dans les eaux de ces ballasts. Il se dit qu’ils ne seraient pas vidés et nettoyés assez souvent.

En 2012, les crabes bleus sont vus dans le fleuve Ebre, en Espagne. En 2014, on les revoit en Corse. En 2017, les voici dans le golfe du Lion (près de PERPIGNAN), dans l’étang de CANET EN ROUSSILLON. Ils aiment bien les étangs où ils peuvent se régaler de poissons et de coquillages. Ce n’est pas étonnant qu’ils soient goûteux !

A une allure de 15 km par jour, ils sont vite arrivés dans notre étang de THAU, où le 4 septembre 2019, il y en a un qui a été repéré pour la première fois.

En TUNISIE, cette espèce a tellement progressé que les pêcheurs en ont fait commerce avec les pays d’Asie, pour la fabrication d’autres produits par transformation. Cela à un point que la question se pose de n’en pas trop pêcher, pour ne pas tarir la ressource. Il semble qu’il s’annonce compliqué de trouver un bon équilibre.

Pour le moment, les pêcheurs et les producteurs de coquillages de notre étang sont inquiets a l’idée que les crabes bleus, qui aiment nos produits tout autant que nous les aimons, appauvrissent la pêche et l’élevage traditionnel, et à l’idée de voir leurs filets déchiquetés.

De plus, les crabes bleus peuvent être si nombreux que leur vente, malgré la finesse de leur cher, se fait à un prix trop bas pour aboutir à une compensation acceptable. La situation est à suivre de près.

Mais pour garder un regard positif sur cette situation alarmante, je pense que ce crabe a fait tout ce chemin juste pour venir serrer la pince à son cousin, lo Cranc du cercle occitan de Marseillan, qui l’a invité à assister à la semaine occitane Marseillanaise.

Comme celle-ci s’achève aujourd’hui, avec son succès habituel, espérons que le crabe bleu fasse vite demi-tour, et s’il pouvait marcher droit comme tout le monde, peut-être pourrait-il prendre ses jambes à son cou, et s’en retourner chez lui à la vitesse grand V. Et je ne lui dis pas à l’année prochaine !

Yvonne BEAUME. Mèze, le 8 octobre 2021.