Vaquí lo n° 3 de Tè! editat pel CIRDÒC. De literatura, de musica, arts vivas, audiovisual, arts visualas, cicles tematics...e de libres, espectacles per la joinessa. Version papièr o sus internet :
fabrica.occitanica.eu onte traparetz una ajuda e la presentacion de tota aquela creacion occitana.
Dins la rubrica Arts, aimi plan lo libre : Notre Occitanie, 22 serigrafias del Setòri Hervé di Rosa amb de tèxtes dau Fabulous Trobador, Claudi Sicre, editat amb l'ajuda de la Region Occitania, l'argent de las vendas serà per d'associacions umanitàrias.
De contes : Sul pont de veire d'Andrieu Lagarda ; una enquista policièra de Joan Ganhaire Vent de sable.
Cançons amb per exemple l'album Roge de La mal coiffée, polifonia, percussions... Lo grop audenc conta un país e sas luchas amb los mots de grands autors dins la lenga occitana.
Lectura teatralizada de Claudi Alranq Du feu de Dieu.
Contes pels dròlles Contes del país d'Òc d'Alan Roch.
CD, libres, exposicions caminairas : Notre Occitanie d'Hervé di Rosa e Claudi Sicre ; Bogre documentari, a la debuta rodat coma un « road-movie » a la cèrca de las traças dels Catars e dels Bogomils entre Occitània, Itàlia, Bulgaria, Bòsnia : fòtos, esculpturas en ceramica e cartas qu'an servit dins lo filme, vidèos e vistas d'artistas sus la question.
Cicle tematic sus La dança amb libres, CD e subretot : HIP-HÒC, creacion que mescla hip-hop e dança tradicionala. Estiles que lo monde n'imaginan pas véser ensemble sus una scèna d'espectacle ! Mai d'informacions : associacion@menestrersgascons.com.
Cicle tematic sus las fèstas de Nadal : CD de Banda Sagana amb 13 nadals jogats per carrièras; un libre de contes : Nòu contes de Nadal d'endacòm mai ...
Cicle tematic, sus las Faulas, per la joinessa e los « grands » ( libres, CD...) !
Mai d'informacions al CIRDÒC e sus : oc-cultura.eu
Al còp que ven e tenètz vos fièrs !
Cap comentari:
Publica un comentari a l'entrada