DECORACIONS ESTIL NOVÈL

L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

 

OMENATGE a G. BRASSENS.

Coblet 11 de la SUPLICA.

Quora nos ven d’Espanha e quora d’Itàlia,

Cargats de perfums, de musicas polidas,

Lo magistrau, la tramontana,

Que sus mon darrièr sòm vojaràn lor ecò,

De vilanèla un jorn, un jorn de fandango,

De tarantèla, de sardanas…

             §§§§§§§§§

 

DECORACIONS ESTIL NOVÈL.

Quand anatz faire visita a d’amics per lor presentar vòstres vòts per l’annada 2022, de qué vesètz penjat a las ponhadas de lors fenèstras o de lor pòrta. ? De decoracions originalas.

N’i a de ròsas, de blavas, de blancas, de rojas…quand la familha es nombrosa, aquò pòt semblar de garlandas. Segur qu’aquò val pas la quincalha de las decoracions dels avets de Nadal, mas aqueste an, es entau : las masquetas secan per tornar servir un còp o dos de mai.

Pòt mème arribar que mantunas trapan la sortida, e las vesèm de mai en mai nombrosas joncar las carrièras, de biais que tot lo mond ne pòt profechar…d’elas e de çò qu'escampilhan. Es una actitud ciutadana, aquò ? Mercé plan als generoses donators per lor contribucion a la fèsta…

Alara, çò qu’òm pòt desirar per lo Nadal que ven, es que las carrièras trapen lor netitge (tot relatiu…), l’animacion de viras-viras per lo bonaür dels enfants, los balètis de l’an nòu, e que jos las garlandas que parpalholejan gaiament, lo mond poguèsson sortir a cara descobèrta e se potonejar sens rèira pensada se lor canta. Anem !

IVONA BEAUME

11 de genièr de 2022.

 

HOMMAGE à G. BRASSENS.

Couplet 11 de la supplique.

Tantôt venant d’Espagne et tantôt d’Italie,

Tous chargés de parfums, de musiques jolies,

Le mistral et la tramontane

Sur mon dernier sommeil verseront les échos

De villanelle un jour, un jour de fandango,

De tarentelle, de sardane.

              §§§§§§§§§

DECORATIONS NOUVEAU LOOK.

Quand vous allez rendre visite à des amis pour leur présenter vos vœux pour l’année 2022, que voyez-vous pendre aux poignées de leurs fenêtres ou de leur porte ? Des décorations originales.

Il y en a des roses, des bleues, des blanches, des rouges…quand la famille est nombreuse, cela peut ressembler à des guirlandes. Pour sûr, elles n’ont pas le clinquant des décorations des sapins de Noël, mais cette années, c’est comme ça : les masques sèchent, pour pouvoir servir une ou deux fois de plus.

Il peut même arriver que quelques uns trouvent la sortie, et nous les voyons de plus en plus joncher les rues, de manière que tout le monde en profite…d’eux, et de ce qu’ils colportent. C’est une attitude citoyenne çà ? Merci aux généreux donateurs pour leur contribution à la fête…

Alors, ce que l’on peut souhaiter pour l’année prochaine, c’est que les rues retrouvent leur propreté (toute relative…), l’animation des manèges pour le bonheur des enfants, les bals de la nouvelle année, et que sous les guirlandes qui clignotent gaîment, les gens puissent sortir à visage découvert et s’embrasser sans arrière-pensée si ça leur chante. Chiche !

YVONNE BEAUME.

11 janvier 2022.