dimecres, 23 d’octubre de 2019

Jaume Landièr - Camin de totas auras

Calandreta La Garriga - Camin de Carabòtas - Ginhac - dimècres 30 d'octòbre - 19h
cafè descabestrat amb Jaume Landièr



Retrobam amb bonaür l'amic Jaume Landièr. (es lo baug que nos faguèt lo tot primièr cafè òc dins lo bèl an de Dieu de 2011 qu'espeliguèt nòstra associacion) 
Nos ven amb una seguida a Solelhada e al riu d'Adriana, lo Camin de totas auras !
Camin de totas auras, camin de Carabòtas, dimècres 30 d'octòbre !

« [...] Defòra lo campèstre cabussava dins lo triple sòm dau dimenge, de la nuòch, de l’ivèrn. Totsants fardava l’asuòlh de sa grisalha. Pas un cat. Los aucèls avián fugit la rispa. Ai, que cau patir ! Camin de ferre, camin de crotz… Lo trin te sabotís coma se voliá martelar lo maucòr. Te bufar coma un plumet. T’assadolar d’imatges tant fugidisses que te desvàrian, a faire gisclar lo nonrés. Lo talh de la nuòch anava sai que cobrir aquel gris de pintura de quatre sòus. L’exilh a destenchurat sus los païsatges qu’aimave. [...] »

Après Als baugs (2008) e La Banda (2015), Jaume Landièr repren la dralha de Solelhada (1992) e Lo Riu d’Adriana (2001). Lo temps a passat : entre exilh e país retrobat e estrifat, lo narrator vei l’espelida de las joventas que meton lo camin jos los pès.




e, coma de costuma, sopar partejat: 
"Venètz e portatz". 
Quau de beure, quau de manjar, quau de dire...

Los mai legits