L'IEO, membre dau Comitat "Pour que vivent nos langues", rampèla
son malhum, cada membre, a se mobilizar per defendre l'ENSENHAMENT de
L'OCCITAN.
Aquela mobilizacion pòt prendre mai d'una forma :
-
Legir, faire conóisser la CRIDA unitària (çai-sota e en pèça joncha),
-
Participar au recampament a París lo 30 de novembre davant lo ministèri de l'Educacion Nacionala,
-
Organizar localament, dau meteis temps, de recampaments davant lei representacions de l'Educacion Nacionala,
(ex. per un cercle de vilatge ò de vilòta l'establiment principau, per una
seccion departementala, l'Inspeccion academica, lo Rectorat per una
region...).
seccion departementala, l'Inspeccion academica, lo Rectorat per una
region...).
> Pas besonh d'èstre nombrós, mai de metre en avant lo bram:
'Pour que vivent nos langues" e la referéncia a l'occitan sus tot lo territòri…
-
Faire pression sus la premsa e lei media, manifestar davant… per faire veire e ausir nòstra revindicacion
-
S'adeiçar ai responsables de l'Educacion Nacionala, ais elegits...
-
Signar, faire signar la peticion en linha : https://www.change.org/p/jean-
michel-blanquer-mobilisation- générale-pour-que-vivent-nos- langues 
Leis atacas volontosas de Blanquer son en plen dins l'amira de
l'ideologia nacionala. Avèm ren d'esperar dau poder centrau e la
solucion vendrà dau terren.
Refusam una Republica que fa de l'uniformitat, dau monolinguisme et
de l'unicitat dau pòple francés de dògmes consacrats per leis articles
1,2 e 3 de la Constitucion refortits per la lèi novèla de “l’école de la
confiance” per lei ben encloscar deis pichons partent de l'enfància.
Podèm pas demorar sensa reguinhar ais atacas. Se fau mobilizar dins
la durada e oposar un movement collectiu testard a la volontat
jacobina, sempre viva, de faire disparéisser nòstra lenga e nòstra
cultura.
Una equipa federala profetica sufirà pas a menar la batèsta, fau a
cada nivèu crear de comitat que se cargan, tot de lòng de l'an, de
seguir, menar, prendre d'iniciativas…
per la Defensa activa e visibla de l'occitan.
per la Defensa activa e visibla de l'occitan.
Mostrem ensems e pertot que volèm QUE VISCAN NÒSTREI LENGAS
